sexta-feira, 31 de agosto de 2012

Lere Anan Timur: “Labele Buka Fo Sala F-FDTL

.

Jornal Nacional Diario - Sesta-Feira, 31 Agustu 2012

Forsa Defesa Timor Leste (F-FDTL) nudar Guarda Lutu nasaun tanba ne'e labele buka fo sala nafatin ba F-FDTL sira wainhira mosu akontesementu ruma.

Chefe Estado Maior jeneral Forsa Armada, Maijor Jeneral Lere Anan Timor ba Jornalista sira wainhira hataan konaba akontesementu iha Tibar foin lalais ne'e.

"Kuandu buat ruma F-FDTL mak sala hela de'it, ema baku, tuku, tebe mos F-FDTL mak sala, mate mos F-FDTL mak sala entaun populasaun svil ne'e la sala, sira los hela de'it, entaun ita fo brani ba populasaun sira ne'e baku beibeik F-FDTL, mais hau dehan, F-FDTL ne'e lutu nasaun, F-FDTL ne'e vitima ba dala rua agora, rai diak mos vitima ba populasaun, aban bain rua funu mos vitima ba ema inimigu, hau hanoin katak, ida ne'e ita tenki hanoin," Major Jeneral Lere Anan Timor relata ba Jornalista (29/8) iha palasiu Prezidenti aitarak laran, Dili.

Maijor Jeneral Lere Anan Timor mos iha oportunidade ne'e husu ba Joven no Populasaun tomak atu respeita Forsas Armadas, maibe kuandu elementu F-FDTL sala ruma husu aprejenta keixa ba instituisaun F-FDTL hodi instituisaun toma medidas.

Entertantu, kona ba kazu iha Tibar ne'ebe akontese semana kotuk liu ba ne'e, Maijor Jeneral Lere informa, la dauk hatene se los mak sala iha aktu ne'e, tamba prosesu investigasaun sei la'o hela no seidauk final.

Komandante F-FDTL ne'e haklaken tan, displina militar rigrozu liu fali politiku sira nian tanba deszaun husi komando de'it, etertantu laiha demokrasia iha instituisaun F-FDTL nia laran, tanba ne'e ema balun aproveita hodi buka fo sala ba F-FDTL.

Komando F-FDTL ne'e mos hateten tan, Forsa militar mai husi Povu no povu iha mak F-FDTL eziste, tanba ne'e importante ba ema hotu atu toma konsensia.
.

Francisco Branco: “PR Iha Vontade Boot Kombate Korrupsaun, Governante Sira Menus Vontade Ba Korupsaun”

.

Jornal Independente - Sesta-Feira, 31 Agustu 2012

Reprezetante povu iha uma fukun parlamentu Nasional husi bancada FRETILIN, konsidera Prezidenti Republika Taur Matan Ruak, nia vontade ba estadu boot liu kompara ho membru Governu liuliu Kintu (V) Governu konstitusional.

Konsiderasaun husi reprezetante povu ne'e, bazeia ba meus PR Taur Matan Ruak ne'ebe deklara nia riku-soin ba Tribunal Rekursu tuir lei haruka.

Tuir Vice Prezidenti bancada FRETILIN iha parlamentu Nasional, Deputadu Francisco Branco katak, PR Taur deklara riku-soin ba publiku ne'e hatudu vontade boot PR nian atu estadu ne'e moos iha futuru.

"Vontade politika no etika diak, ne'ebe Prezidenti Republika hatudu ba membru Governun tomak inklui Parlamentu Nasional," deklara nia ba Independente iha PN foin lalais ne'e.

Deputadu ne'e esplika tan katak, lei atual jeneriku liu no la regula espesifika, liliu fo kompetensia ba autoridade kompotente hodi implementa lei ne'e.

Ne'eduni Deputadu FRETILIN ne'e dehan, PN rasik iha ona vontade maka'as hamutuk ho KAK (Komisaun Anti Korupsaun) hodi aumenta tan lei ne'e hodi serve diak liu tan iha futuru.
.

Misaun ONU Remata: “GNR Sei Kontinua Iha Timor Leste”

.

Jornal Nacional Diario - Sesta-Feira, 31 Agustu 2012

Primeiru Ministru Kay Rala Xanana Gusmao halo ona diskusaun ho ekipa Portugues hodi nune'e mantein nafatin Guarda Nasional Republikana (GNR) iha Timor Leste hodi fo kapasitasaun ba Polisia Nasional Timor leste (PNTL).

Informasaun ne'e asesu husi pessoal Portuguesa balun katak, Polisia Portugal sei hela nafatin iha Timor Leste tuir akordu bilateral ne'ebe mak nasaun rua hetan konkordansia tiha ona.

Maski misaun Nasoens Unidas sei remata iha ultimo tinan ida ne'e maibe husi koperasaun nasaun Portugal ho Timor Leste ba area seguransa no defesa kontinua lao ba oin nafatin.

Tanba ne'e Polisia Portugal liu husi Guarda Nasional republikana (GNR) sei hela nafatin iha Timor Leste hodi fo formasaun ba PNTL sira.

"Koperasaun Portugal ho Timor Leste hametin tiha husi koperasaun bilateral, maibe Forsa Internasional no misaun Nasoens sei termina iha tinan ida ne'e," Taur dehan foin lalais ne'e.
.

“FRETILIN Deside Sei Simu Kareta Prado PN”

.

Jornal Nacional Diario - Sesta-Feira, 31 Agustu 2012

Bancada Opozisaun FRETILIN deside ona sei simu kareta Prado neébe Parlamentu Nasional (PN) atu sosa hodi fahe ba deputadu sira ida-idak hodi halaó servisu.

Iha Segunda lejislatura liu ba, banacada Opozisaun FRETILIN lakohi simu kareta pazero neébe Parlamentu Nasional sosa hodi fahe ba deputado sira, tanba FRETILIN konsidera sosa kareta ba deputadu sira ne'e gasta de'it osan povu nian, maibe ba Parlamentu iha terseira lejislatura ne'e Bancada FRETILIN deside ona hodi simu kareta Prado ne'e.

Vice Prezidenti bancada FRETILIN, Francisco Miranda Branco esklarese katak, Bankada FRETILIN simu kareta sira ne'e tanba haree ba terseiru lejislatura ida neé fo kapasidade dezenvolvimentu liu ba Parlamentu.

"Ami desidi tiha ona ami simu, tamba maske la simu mos kareta ne'e sosa nafatin, entaun atu apoiu no tulun ami nia servisu hanesan membru Parlamentu hodi kontaktu ho ami nia eleitoradu sira, ami halo ona avaliasaun ba ami nia desizaun iha tinan lima ba kotuk, ami deside tinan ne'e ami simu, tanba FRETILIN rasik halo avaliasaun ba perioridades ne'ebe iha hodi fo kapasidade liu tan ba Parlamentu," dehan Vice Prezidenti Bancada FRETILIN, Francisco Miranda Branco ba JNDiario, kuarta (29/8) iha salan plenaria PN.

Deputadu ne'e haktuir katak, tanba Prezidenti Parlamentu hateten, nia sei esforsu atu bele koloka asesor sira iha bancada no progresu liu tan sei monta antena Radio no Televizaun ba atividade parlamentu tomak, entaun FRETILIN haree katak, iha sinal pozitivu progresu kapasidade dezenvolvimentu Parlamentu nian.

Branco mos esplika katak, iha 2007-2012 bancada FRETILIN deside la simu planu Governu tinan-tinan sosa kareta, tanba iha faktores barak, hanesan estraga deit osan povu nian no seluk tan.

Ba kestaun ne'e, Deputadu husi Bancada CNRT atual Vice Prezidenti Parlamentu Nasional Aderito Hugo afirma katak, prosesu sosa kareta iha hela prosesu tenderizasaun atu sosa kareta 65 ba deputadu III lejislatura.
.

Longuinhos Monteiro: “PNTL Sosa Kilat Modelu PM2-V1 Laos MP5”

.

Jornal Nacional Diario - Sesta-Feira, 31 Agustu 2012

Komandante Jeral Polisia Nasional Timor Leste (PNTL), Komisariu Longuinhos Monteiro hateten katak, kilat 75 ne'ebe instituisaun PNTL sosa husi PT. PINDAD Indoensia ne'e la'os MP5, maibe kilat lolos ne'e mak ho marka MP2-V1.

Komisariu Longuinhos mos deklara katak, kilat PM2-V1 ne'ebe PNTL sosa ne'e, Timor Leste sai hanesan nasaun premeiru mak uza kilat ne'e.

"Prosesu ne'e hanesan ididifini kilat PM2-V1 kilat ne'e boot, PNTL Primeiru mak uza kilat ne'e, ho tipu foun ida, kilat ne'e iha mundu ema seidauk uza, ita mak primeiru uza kilat ne'e," esplika Komisariu Longuinhos ba Jornalista sira kuarta (29/8) iha kuartel Jeneral PNTL Caicoli, Dili.

Komisariu Longuinhos mos esklarese, kilat ne'e semi automotiku no modernu, nune'e mos dadaun ne'e halo teste segundu, iha teste segundu ne'e, Unidade espesial husi Indonesia Densus 88 mak koko kilat ne'e nia lalaok no kualidade.

Longuinhos hatutan, iha prosesu teste primero, komisariu Longuinhos esplika, nia rasik mak ba tiru iha Kaiteu Liquisa atu bele hatene loloos ninia kualidade, hafoin tiru koko tiha, kilat ne'e iha sistema mekaniku pontu tolu mak sai hanesan kestaun.

"Hau kuandu tiru koko hotu bonkar kedas kilat ne'e nia sistema iha laran, iha sistema mekaniku iha failansu oituan iha ne'eba, iha parte mola no kanu, entaun hau hateten ba kompania para halo kilat ne'e sai kapaas liu tan, hau hakarak imi troka ninia mola, imi troka ninia kmra mola, laos kmra husi kilat musan ho ninia sistema parasaun," tenik Komisariu Longuinhos.

Nia mos hateten tan, wainhira koko kilat ne'e iha failansu, nia rasik mak bolu diretur kompanha komersiu ba kilat ne'e husi jakarta mai Timor Leste hodi hatudu pontu tolu ne'ebe mak lafunisona, tanba ninia produsaun ba kilat musan barak impedementu impaktu husi ninia jogu.

Hafoin intervista tiha, Komisariu Longuinhos Monteiro haruka ninia membru armari ida ba foti kilat PM2-V1 ne'e mai hatudu Jornalista sira hodi haree.

Iha parte seluk, Komisariu Longuinhos Monteiro husu ba Governu atu sosa tan kilat foun hodi intrega ba Unidade Polisia Fronteira (UPF) uza, tanba kilat HK33 ne'ebe mak durante ne'e uza laiha kualidade.
.

Loron Konsulta Popular: “Taur Husu Governu Servisu laran moos Hamenus Ki'ak”

.

Jornal Independente - Sesta-Feira, 31 Agustu 2012

Liu husi komemorasaun loron konsulta popular ba dala 13, Prezidenti Republika Taur Matan Ruak husu Governu ho Povu tomak atu hamutuk hodi kombate ki'ak iha Timor Leste.

"Atu servisu hamutuk ho laran moos ho esperitu sakrifisiu atu hamenus kiak," dehan Taur.

Timor oan hotu Presiza unidade atu dezenvolve Timor Leste, tanba tuir eis komandante FALINTIL ne'e hatete, iha tempu funu Timor-oan hotu iha hanoin ida de'it mak atu hetan moris diak bainhira ukun rasik an.

"Uluk iha ailaran ita halo funu, ita hotuhotu iha hanoin no mehi ida katak, Timor-oan hotu-hotu tenki hetan moris diak, maibe ita seidauk to'o iha ne'eba," Taur salienta.

Nia mos hatutan," ida ne'e so akontese imi, ita hotu-hotu hamutuk fo liman ba malu atu servisu hamutuk," tenik Taur.

Nune'e, taur mos dehan katak," Husi ita nia istoria no ita nia esperensia hatudu ba ita hodi aprende lisaun ida, bainhira ita fahe malu ita lakon kbiit no ema manan ita, maibe ita hamutuk laiha ema ida mak doko ita," dehan nia.

Ba kestaun ne'e, lahalua Taur mos fo saudasoens ba Timor oan sira ne'ebe oras ne'e sei kontinua hela iha Indoensia (Timor osidental) katak, Timor Leste mos sira nia rain
.

“La Sama Konkorda Sosa Elikoptru Ba F-FDTL”

,

Jornal Independente - Sesta-Feira, 31 Agustu 2012

Posiblidade nakloke atu Governu prevee orsamentu, iha orsamentu Jeral Estadu (OJE) tinan fiskal 2013 nian atu sosa elikoptru, tanba Vice Primeiru Ministru La Sama mos konkorda ho planu ne'e.

Vice Primeiru Ministru La sama hateten, Komando F-FDTL tenki hanoin ba ekipamentu ka nesesidade saida mak forsa sira presiza iha sira nia esrviso loro-loron.

"Ami (Governu) tenki tetu osan iha ne'ebe para rejolve buat sira ne'e," tenik nia, iha Palasiu Governu (30/8).

La Sama dehan, Maijor Jeneral Lere iha responsablidade tomak ba instituisaun F-FDTL atu oinsa bele dezenvolve ba oin ho diak liu tan.

Prosesu atu hola elikoptru ba F-FDTL ne'e nesesidade duni ba forsa sira hodi hala'o sira nia serviso, maibe kona ba parte oinsa atu aloka osan hodi sosa ekipamentu ne'e kompetensia ba governu hodi tuur hamutuk deskute mak foin aloka osan.

Ba kestaun ne'e, antes ne'e mos, Xefe Estadu Maior F-FDTL, Maijen lere Anan Timur deklara katak, F-FDTL presiza tebes fasilidade ba instituisaun ne'ebe nia lidera hodi hala'o servisu diak liu tan.

Nune'e mos, Sekretariu Estadu defeza (SED) Julio Tomas Pinto hateten, kona ba kestaun ne'e, sei iha hela prosesu laran, maibe intensaun atu sosa elikoptru ba F-FDTL tama ona iha planu no hein de'it diskusaun husi Governu.
.

Tinan 10 Ukun An Povu TL Kontinua Kiak: "Bispo Don Ricardo Hein PR Taur Matan Ruak Nia Promete"

.

Notisia Husi TVTL - Kinta-Kalan, 30 Agusto 2012

Bispo Dioseze Dili hateten, maske ukun an tinan 10 maibe Povu Timor Leste sei kontinua moris iha kiak no mukit.

Don Alberto Ricardo mos husu ba estadu no Governu atu rekoila restu mortais, hahu husi tinan 1974 to’o iha tinan 1999.

Preokupasaun ne’e, hato’o husi Bispo Dioseze Dili Don Alberto Ricardo da Silva, hafoin partisipa serimonia hasa’e bandeira iha loron konsulta popular iha Palasiu do Governu.

Bispo Dioseze Dili ne’e lamenta tamba hafoin tinan 10 ukun an maibe povu Timor Leste kontinua moris iha kiak no mukit nia laran.

"Ita lamentar katak, depois de ita ukun an tinan 10 maibe kontinua iha problema pobreza, problema mal nutrisaun ba ita, hau hein katak Sr. Prezideti Republika nia diskursu ne’ebe dehan rejolve lalais problema hamlaha, problema kiak, mal nutrisaun, para povu bele senti promete ne’e," dehan Amo Bispo Ricardo.

Bispo Dioseze Dili mos husu ba estadu atu rekopera restumortais ne’ebe to’o oras ne’e seidauk hetan.
.

"PR Taur: Tenki Uza Independensia Hanesan Instrumentu Hodi Halakon Hamlaha"

.

Notisia Husi TVTL - Kinta-Kalan, 30 Agustu 2012

Timor Leste komemora loron konsulta popular ba dala 13 iha Palasiu do Governu hodi fo omenazen ba Heroi sira ne’ebe mate ba prosesu libertasaun nasional.

Iha oportunidade ne’e, Prezidenti da Republika Taur Matan Ruak husu atu uza Independensia politika nuudar instrumentu atu hala’o hodi halakon hamlaha, luta kontra kiak no mos halakon mal nutrisaun ne’ebe kontinua estraga dezenvolvimentu labarik iha Timor Leste.

Komemroasaun loron konsulta popular ba dala 13 hala’o iha Palasiu do Governu, liu husi serimonia asa’e bandeira nasional no mos fo omenazen ba heroi libertasaun nasional.

Antes atu hasae bandeira RDTL, ba dala uluk, Prezidenti da Republika Taur Matan Ruak hala’o pasa revista ba formatura ne’ebe asiste direitamente husi Primeiru Ministru Kay Rala Xanana Gusmao, hamutuk ho membru do Governu, korpos dioplomatiku no mos Parlamentu Nasional.

Iha nia diskursu Xefe Estadu hateten, tenki uza independensia politika ho diak hodi halakon kiak, hamlaha no mal nutrisaun ba labarik sira.

"Iha ai-laran ita halo funu, ita hamutuk ho mehi ida katak, Timor oan hotu-hotu tenki moris diak, maibe ita seidauk to’o iha ne’eba, ita tenki uza independensia politika hanesan instrusmentu ida hodi halakon hamlaha, atu laiha tan mal nutrisaun ne’ebe kontinua estraga dezenvolvimentu labarik sira nian," dehan Taur Matan Ruak iha nia diskursu.

Prezidenti da Republika mos agradese ba misaun nasaun unidas iha Timor Leste durante ne’e, hodi garante paz no estabilidade ba dezenvolvimentu iha Timor Leste.

"Mandatu UNMIT la kleur tan sei remata, maibe Timor Leste presiza nafatin parseria ho nasoens unidas lao nafatin ba oin," dehan Taur.

Prezidenti da Republika mos fo omenazen ba Timor oan ne’ebe mate no lakon depois de referendum.
.

Deputadu David Dias: "Vitoria Independensia TL Mai Husi Prosesu Luta FRETILIN, Xanana Hatutan No Povu Mak Desidi"

.

Notisia Husi TVTL - Kinta-Kalan, 30 Agusto 2012

Deputadu David Dias Ximenes husi Bancada FRETILIN nuudar mobilizasaun massa ba konsulta popular afirma katak, 30 de Agusto hanesan ponto kombinasaun povu Timor Leste ba autodeterminasaun.

Davida Dias mos hateten, luta ba ukun rasik an ne’e la fasil, tamba iha momentu ne’eba balun tenki sa’e fali foho no balun tenki lakon nia vida tamba hahalok husi pro integraniosista Indoenzia sira.

Nune’e mos nia haktuir katak, iha momentu ne’ebe sira tur hamutuk hodi halo planu para oinsa lori povu tun mai Dili hodi tuir votasaun, tamba populasaun barak maka momentu ne’ebe halai sa’e ba parte balibar nia no balun iha ai-laran.

Nune’e mos Deputadu David Diaz dehan katak, maske iha momentu ne’eba Milisia sira barak hodi hadulas kapital Dili, maibe nia fo korazen ba populasaun katak, maske nia laiha konfirmasaun husi maluk sira iha Australia maibe nia fiar katak se karik sira ataka populasaun, ita nia forsa husi liur iha 24 oras sei to’o iha Timor Leste.

Ba kestaun ne’e, deputadu husi Bancada FRETILIN ne’e hatutan, rejultadu independensia ba nasaun Timor Leste ne’ebe Timor oan hetan, ne’e mai husi FRETILIN mak prosesa, Xanana Gusmao hamutuk ho lider sira seluk hatutan no povu mak desidi iha dia 30 de Agusto 1999 hodi ukun raik an.
.

Husu SEPOPE No KSTL Tau Matan: "Trabalador Kontinua Servisu Iha Loron Feriadu Nasional Maibe La Hetan Salariu Extra"

.

Notisia Husi TVTL - Kinta-Kalan, 30 Agusto 2012

Trabailador ne’ebe serviso iha kompania privado, la satisfeito ho hahalok patraun, tamba serviso iha loron bot hanesan Domingu no Feriadu nasional, maibe laiha orsamentu extra.

Aliende ne’e, trabalador sira mos husu ba SEPOPE tenki tun ba baze hodi halo sosializasaun lei no. 2/2012 (numero segundu bara doiz mil doze) kona ba salariu minimu, nune’e sir abele hatene sira nia direitu.

Observasaun TVTL iha baze, tuir loloos loron 30 fulan Agusto hanesan loron konsulta popular ba feriadu nasional, maibe iha loron espesial ne’e kompania Privadu balun hanesan Mira Mar Blok no kompania Brader Konstraksen, nia trabalador sira hala’o serviso hanesan baibain.

Tuir Alcino Alvez ne’ebe servisu iha kompania Mira Mar blok hateten, iha loron domingu no loron feriadu nasional sira sempre serviso maibe nunka hetan osan extra, maske servisu ne’ebe sira hala’o todan.

"Ami domingu no loron boot tama servisu hela deit maibe ami nia osan la aumenta, premiu ruma mos laiha," dehan Agusto.

Entertantu Afonso Amaral ne’ebe servisu iha kompania Brader Konstraksen husu ba sekretariu Estadu Politika Profesional Empregu (SEPOPE) hodi tun ba baze atu halo sosializasaun kona ba lei neebe implementa ona, nune’e sir abele hatene direitu kona ba salariu minimu.

Trabaladores hirak ne’e mos hato’o lamentasaun ba servisu KSTL ne’ebe nunka tau atensaun ba problema ne’ebe mak sira infrenta iha terenu entre trabaladores no kompania.
.

REFERENDUM LORI MORIS DIAK BA UKUN NAIN SIRA MAS POVU HELA HO MUKIT

.

TEMPO SEMANAL - 30/08/2012

Iha loron 30 fulan Agusto tinan sanolu resin tolu ba kotuk iha persegisaun no ameasas nia laran, Timor oan sira ho orgulho vota ba Independecia nasaun Timor Leste maibe ohin povu barak mak seidauk liberta sira nia aan husi kiak, hamlaha, dezempregu no hetook aat liu tan mosu injustica oioin maka komete husi ukun nain sira hasoru ninia povu.

"Ha'u hanoin Ukun rasik aan ne'e diak duni. Maibe ohin loron ne'e ita haree kareta mesak luxu i ami mak tuur iha hela dalan ninin faan Karoza hodi fihir ema nia kareta mewah halai nakselok no ate soke malu tan iha ne'e," dehan Tiu Miguel ne'ebe faan hela manu tolu ho manu isin iha karoza ida.

Tuir Observasaun TS biar loron habai maibe Miguel ne'ebe metade idade ona nee dudu ninia karoza husi diresaun kuluhun dili liu dalan ba bekora. Besik ponte maufelo obrigatoriamente tiu hasai sapeo hamos ninia kosar hodi la hateke estrada kuak no ninia karosa tama alkatraun kuak besik ponte ninin.

Iha parte seluk iha oras ida antes Presidenti da republika Taur Matan Ruak iha ninia deskursu ba aniversariu loron Referendum dala sanolu resin tolu rekuinese katak iha problema boot maka nasaun nee hasoru mak kombate kiak, mal nutrisaun no injustica.

“Ita tenke uza independénsia polítika nu’udar instrumentu ida atu halakon hamlaha, atu la iha tan má-nutrisaun ne’ebé sei kontinua estraga dezenvolvimentu labarik barak nian, iha aldeia barabarak, atu kombate kiak no mós atu harii, gradualmente, moris-di’ak ba família sira Timor-Leste nian,” Rekuinese Taur Matan Ruak iha ceremonia loron Referendum ninian.

Eis segundu komanadante gerilia ne’e foo relembra hikas objetivu luta ba ukun rasik aan nasaun ninian.

“Uluk iha ai-laran, ita luta atu harii nasaun prósperu ida, ita-nia mehi atu iha país ida ne’ebé timoroan hotu-hotu bele moris di’ak liu. Maibé ita seidauk to’o iha ne’ebá.”

Maibe iha independencia Timor Leste ohin loron mosu gap boot tebes entre riku ho kiak. Ema ne’ebe iha asesu ba ukun hetan lukru husi despezas orsamentu estadu ninian no moris diak no sa’e kareta luxu maibe povu habai aan iha loron manas I balun dudu karosa hafutar capital nasaun ninian.

“Ha’u husu ba ita hotu – ba Governu no ba povu – atu ita serbisu lisuk, ho laran-loos, ho laran-moos, ho espíritu sakrifísiu, atu hamenus kiak no atu uza rikusoin Nasaun nian hodi harii país ida ne’ebé di’ak liután, país ida ne’ebé prósperu liután ba Timor-Leste nia oan hotu-hotu,” apela Presidenti da Republika liu husi ninia deskursu.

Eis Presidenti da Republika DR. Jose Ramos Horta hahi esforsu Governu ne’ebe lidera husi PM Xanana Gusmao maibe nia mos husu atu membru Governu sira hotu presiza servisu maka’as liu tan.

Iha Fatin hanesan hafoin de Ceremonia Bispo deosese Dili hatoo ninia konkordancia ho hanoin Taur Matan ruak ninian no husu atu kombate injustice social.

“Ita tenke halo esforsu hodi liberta povu husi Kiak no malnurisaun ba labarik sira. Hau hanoin lia fuan husi Presidenti da Republika ninian nee inspira tebes,” dehan Dom Alberto.
.

quinta-feira, 30 de agosto de 2012

DISCURSO DE S. E. O PRESIDENTE TAUR MATAN RUAK NA OCASIÃO DA COMEMORAÇÃO DO 13º ANIVERSÁRIO DO REFERENDO

.

DISCURSO DE S. E. O PRESIDENTE TAUR MATAN RUAK
NA OCASIÃO DA COMEMORAÇÃO DO 13º ANIVERSÁRIO DO REFERENDO
PARA A DE AUTODETERMINAÇÃO DO POVO DE TIMOR-LESTE

Palácio do Governo, 30 de Agosto de 2012

Povo amado de Timor-Leste. Excelências.

Celebramos hoje o 13º aniversário da realização do referendo de auto-determinação do nosso povo. O referendo marca um ponto de viragem fundamental na nossa história nacional e simboliza também o momento em que a comunidade internacional assumiu as suas responsabilidades face a Timor-Leste.

Em 2012, assinalamos simbolicamente os 500 anos do primeiro encontro dos timorenses com os Portugueses, o nosso primeiro contacto com povos da Europa. Há 500 anos, a nossa terra estava dividida em pequenos reinos. Os liurais guerreavam-se, frequentemente, desperdiçavam recursos e forças. As guerras entre liurais enfraqueceram o povo.

Celebramos ainda este ano o centenário do falecimento do liurai Dom Boaventura. Dom Boaventura uniu o povo numa longa campanha contra a administração colonial e lançou as raízes do nacionalismo timorense. Dom Boaventura mostrou como a unidade, dos líderes e do povo, podia abalar o poder colonial.

Trinta anos após a revolta liderada por Dom Boaventura, Timor-Leste foi ocupado duas vezes: pelo exército australiano, em Dezembro de 1941; e pelo exército japonês, em Fevereiro de 1942. Passados outros 30 anos sobre o fim da 2ª Guerra Mundial, fomos ocupados pela Indonésia.

Em três anos de ocupação japonesa, morreram 60 mil timorenses. Alguns estudiosos estimam um número ainda mais elevado. As baixas timorenses constituem um dos maiores massacres da Guerra do Pacífico, numa época em que a população não chegava a meio milhão de pessoas. Entre 1975 e 1999, as baixas que sofremos foram ainda maiores – duas a três vezes maiores.

A nossa luta pela independência nacional foi uma luta desigual. Durante muito tempo, o nosso povo contou quase só com as suas forças, quase esquecido pela comunidade internacional, com excepção dos nossos irmãos da CPLP – com especial destaque para Angola, Moçambique e Portugal.

A democratização da Indonésia permitiu finalmente o exercício do direito de auto-determinação e a vitória da Justiça. Em 1999, a Indonésia, a Austrália, as Nações Unidas e o conjunto da comunidade internacional encararam, finalmente, os seus deveres perante o direito internacional, as resoluções da Assembleia Geral das Nações Unidas e os valores civilizacionais que legitimam a ordem internacional.

Da nossa história e da minha experiência na luta, retiro a lição de que as divisões entre timorenses facilitaram a ocupação, no passado antigo e no recente; e a unidade do povo conduziu a vitórias, mesmo quando tudo parecia estar contra nós. Timor-Leste venceu pela unidade e a firmeza do nosso povo.

Do nosso contacto com outras culturas e outros povos resultaram coisas positivas. É disso prova o sentimento da nossa identidade nacional, marcado pela fé católica, a língua portuguesa e a forte ligação a valores de cultura universais que unem oito países de quatro continentes, na família da CPLP.

Hoje somos uma nação com muitos amigos e estamos bem integrados na comunidade internacional. Ambicionamos estabelecer boas relações com todos os povos do mundo baseadas na igualdade e respeito entre todos os povos e países, grandes ou pequenos, ricos e pobres.

Temos relações de amizade com os vizinhos mais próximos – a Indonésia e a Austrália – com a Malásia, Filipinas, Singapura, Tailândia e os outros países da ASEAN. Temos também relações estreitas com a Nova Zelândia, a China, o Japão, a República da Coreia, os Estados Unidos, a União Europeia, o Brasil, entre muitos outros países. Temos beneficiado do apoio dos nossos parceiros de desenvolvimento, a quem o nosso povo está grato e com quem vamos continuar a trabalhar intensamente para benefício mútuo.

A integração regional e internacional que estamos a realizar prestigia o país. Timor-Leste deseja dar um contributo positivo para a paz e a estabilidade, na nossa região e no mundo.

As Nações Unidas acompanham-nos e apoiam, há 13 anos, o nosso trabalho de construção do Estado e construção nacional. A experiência, competência e sensibilidade dos seus chefes de missão e enviados especiais contribuíram, não raramente, para os resultados alcançados.

Recordo, especialmente, Ian Martin, pela sua clarividência e compreensão da determinação do nosso povo; e o saudoso Sérgio Vieira de Mello, pelas qualidades diplomáticas e humanas, que contribuíram para o êxito da UNTAET. A todos os colaboradores da ONU que connosco trabalharam testemunho o meu reconhecimento.

A missão das Nações Unidas que nos acompanha há seis anos termina em breve o seu mandato. O secretário-geral Ban Ki-moon, que este mês nos visitou, constatou pessoalmente os progressos alcançados.

O contributo da UNMIT para a estabilização, a criação de uma atmosfera de confiança e as condições para realização de eleições, em 2007 e 2012, merece o nosso reconhecimento e fica na história das Nações Unidas como exemplo de êxito em operações de manutenção de paz.

Saúdo o Representante do Secretário-Geral em exercício, senhor Finn Reske-Nilson e todos os membros da UNMIT. Faço referência, em especial, ao senhor Comissário da UNPOL e aos efetivos sob o seu comando pela contribuição para a segurança das nossas comunidades e a assistência dada às operações da PNTL e aos procedimentos eleitorais, que permitiram, uma vez mais, a expressão livre dos cidadãos, após 5 anos que restauraram a confiança e mudaram a atmosfera do país. Quero prestar o meu reconhecimento a todos os países que, desde 1999, contribuíram para a força de manutenção de Paz no nosso país, da Interfet à ISF, que salvaram a vida dos nossos cidadãos e protegeram o nosso país.

Na comemoração deste aniversário, somos acompanhados por milhares de filhos de Timor mortos durante a vaga de violência que se abateu sobre o país após o referendo. Honro a memória e o espírito desses irmãos e irmãs: o seu voto pela independência foi o seu contributo, final e corajoso, para a libertação da pátria.

Honro também a memória dos elementos das Nações Unidas e outras organizações internacionais que faleceram em Timor-Leste a trabalharem em missões de assistência ao nosso país.

Envio a minha saudação para os timorenses que vivem do outro lado da fronteira. Timor-Leste é deles também. Transmito-lhes os meus votos de que continuem a contribuir para a terra onde estão os seus antepassados.

Povo amado de Timor-Leste. Excelências.

O mandato da UNMIT termina, em breve, mas a parceria de Timor-Leste com as Nações Unidas vai continuar.

O nosso país apresentará, em breve, um plano com os objetivos que vemos para uma missão das Nações Unidas nas novas circunstâncias, resultantes dos processos eleitorais que realizámos este ano. Pelo esforço do povo timorense, os consensos gerados na nossa sociedade e o apoio da ONU e da comunidade internacional, Timor-Leste ultrapassou uma fase de instabilidade e incerteza.

Desde a restauração da independência fizémos progressos, depois de recebermos o país devastado pela violência.

No entanto, enfrentamos novos desafios de grande dimensão. Após 24 anos de guerra, com a realização do referendo, conquistámos a independência política. Agora, temos à nossa frente batalhas ainda mais árduas, para conquistar a independência económica.

No mato, lutámos para construir uma nação mais próspera, sonhámos com um país onde todos os filhos de Timor-Leste possam viver melhor. Mas ainda não chegámos lá.

A independência política tem de ser usada como instrumento para acabar com a fome, erradicar a má-nutrição que ainda prejudica o desenvolvimento de tantas crianças, em tantas aldeias, combater a pobreza e construir, gradualmente, mais bem estar para as famílias de Timor-Leste.

Estes objetivos estão nas nossas mãos. Mas só conseguiremos realizá-los com o trabalho árduo e participação de todos os cidadãos. O desenvolvimento não pode ser feito pelo Estado, sozinho. Para ter êxito na luta pela independência económica, precisamos de unidade, do trabalho de todos, do envolvimento das comunidades locais nos projetos de desenvolvimento e da mobilização dos jovens.

Os jovens estão disponíveis. Temos de os integrar na economia nacional, para assumirem responsabilidades na construção de um país mais próspero e mais seguro.

Para ganharmos a luta por mais bem-estar precisamos de trabalhar com honestidade e viver com simplicidade.

Temos de cultivar e recuperar os valores tradicionais do povo e da nossa cultura, ao mesmo tempo que aproveitamos os conhecimentos técnicos, científicos e aprendemos com as boas práticas que a cooperação internacional nos traz.

Por isso, apelo a todos – ao governo e ao povo – para trabalharmos unidos, com seriedade, honestidade e espírito de sacrifício, para reduzir a pobreza e usar as riquezas da Nação para construir um país melhor, um país mais próspero para todos os filhos de Timor-Leste.
.

DISKURSU HUSI S. E. PREZIDENTE TAUR MATAN RUAK IHA MOMENTU KOMEMORASAUN ANIVERSÁRIU BA DALA 13 HUSI REFERENDU

.

DISKURSU HUSI S. E. PREZIDENTE TAUR MATAN RUAK
IHA MOMENTU KOMEMORASAUN ANIVERSÁRIU BA DALA 13 HUSI REFERENDU
BA AUTODETERMINASAUN POVU TIMOR-LESTE NIAN

Palásiu Governu nian, 30 Agostu 2012

Povu Timor-Leste nian ne’ebé ha’u hadomi. Exelénsia sira.

Iha loron ne’e ita selebra tanba referendu ba autodeterminasaun ba ita-nia povu halo tinan 13. Referendu ne’e marka pontu-virajen fundamentál ida iha ita-nia Istória nasionál no simboliza mós momentu ne’ebé komunidade internasionál asume ninia responsabilidade kona-ba Timor-Leste.

Iha 2012, ita asinala simbolikamente tinan atus lima dezde kontaktu ba dala uluk entre timoroan sira no portugés sira, ita-nia primeiru kontaktu ho povu sira husi Europa. Tinan atus lima liubá, ita-nia rain ne’e sei nakfahe ba reinu ki’ik barak. Liurai sira funu malu beibeik, halakon rekursus no kbiit. Funu entre liurai sira halo povu sai fraku.

Ita selebra mós iha tinan ne’e tinan atus ida dezde liurai Dom Boaventura mate. Dom Boaventura halibur povu iha kampaña durante tempu naruk kontra administrasaun koloniál no hamosu abut ba nasionalizmu timoroan sira-nian. Dom Boaventura hatudu oinsá maka unidade, lider sira-nian no povu nian, bele doko podér koloniál.

Liutiha tinan tolunulu dezde revolta ne’ebé Dom Boaventura lidera, Timor-Leste hetan okupasaun dala rua: husi ezérsitu australianu, iha Dezembru 1941; no husi ezérsitu japonés, iha Fevereiru 1942. Liutiha tinan tolunulu tan dezde Funu Mundiál Daruak [ka Segunda Guerra Mundial] remata, ita hetan invazaun husi Indonézia.

Durante tinan tolu okupasaun japoneza nian, timoroan rihun neenulu mate.

Matenek-na’in balu halo estimativa ho númeru boot liu. Númeru timoroan ne’ebé mate inklui entre masakre sira ne’ebé boot liu iha Funu Pasífiku nian, iha otas ne’ebá, bainhira ita-nia populasaun la to’o metade husi millaun ida. Entre 1975 no 1999, ita-nia maluk timoroan ne’ebé mate sai barak liután – barak liu dala rua ka tolu. Ita-nia luta ba independénsia nasionál ne’e luta deziguál ida, luta susar ida.

Durante tempu naruk, ita-nia povu kuaze só iha ninia kbiit rasik de’it, komunidade internasionál kuaze haluha ita, ho exesaun ba ita-nia maun-alin sira husi CPLP – liuliu Angola, Mosambike no Portugál.

Indonézia nia demokratizasaun fó biban, finalmente, atu hala’o direitu ba autodeterminasaun no mós ba vitória Justisa nian. Iha 1999, Indonézia, Austrália, Nasoins Unidas, no komunidade internasionál tomak, finalmente, asume sira-nia devér tuir direitu internasionál, rezolusaun sira husi Asembleia Jerál Nasoins Unidas nian no mós valór sivilizasionál sira ne’ebé fó lejitimidade ba orden internasionál.

Husi ita-nia Istória, no husi ha’u-nia esperiénsia iha luta, ha’u aprende lisaun ida, maka divizaun entre timoroan sira fasilita okupasaun, iha pasadu antigu no iha pasadu foin daudaun ne’e; no mós unidade povu nian lori ita ba vitória, mezmu bainhira haree hanesan buat hotu-hotu kontra ita. Timor-Leste manán tanba ita-nia povu unidu, metin no firme.

Husi ita-nia kontaktu ho kultura no povu seluseluk iha mós rezultadu pozitivu oioin. Ita bele haree ida-ne’e husi ita-nia sentimentu identidade nasionál nian, ne’ebé marka ho fiar katóliku, ho lian portugés, no mós ho ligasaun metin ba valór sira kultura universál nian ne’ebé halibur nasaun ualu iha kontinente haat, iha família CPLP nia leet.

Agora daudaun ne’e ita nu’udar nasaun ho belun barak, no ita integra didi’ak iha komunidade internasionál. Ita hakarak estabelese relasaun di’ak ho povu sira hotu iha mundu bazeia ba igualdade no respeitu entre povu no nasaun sira hotu, boot ka ki’ik, riku ka kiak.

Ita iha relasaun amizade ho ita-nia viziñu sira-ne’ebé besik – Indonézia no Austrália – ho Malázia, Filipinas, Singapura, Tailándia no nasaun sira seluk ASEAN nian. Ita mós iha relasaun metin ho Nova Zelándia, Xina, Japaun, Repúblika Koreia nian, Estadus Unidus, Uniaun Europeia, Brazíl, no nasaun barak tan. Ita hetan benefísiu oioin ho apoiu husi ita-nia parseiru dezenvolvimentu sira; ita-nia povu agradese sira, no ita sei kontinua serbisu maka’as ho sira atu fó benefísiu ba malu.

Integrasaun rejionál no internasionál ne’ebé ita hala’o daudaun fó prestíjiu ba ita-nia nasaun. Timor-Leste hakarak fó kontribuisaun pozitiva ba pás no ba estabilidade, iha ita-nia rejiaun no iha mundu.

Nasoins Unidas akompaña no apoia ita, durante tinan 13 ona, iha ita-nia serbisu hodi harii Estadu no iha konstrusaun nasionál. Esperiénsia, kompeténsia no sensibilidade husi sira-nia xefe-misaun no enviadu espesiál oioin mós kontribui, dala barak, ba rezultadu ne’ebé ita alkansa.

Ha’u hanoin, espesialmente, Ian Martin, tanba nia konsege komprende ho neon-moos ita-nia povu nia determinasaun; no mós saudozu Sérgio Vieira de Mello, tanba ninia kualidade diplomátika no umana oioin, ne’ebé kontribui ba UNTAET nia susesu. Ba kolaboradór hotu-hotu ONU nian ne’ebé serbisu tiha ona ho ami [iha Timor-Leste] ha’u hato’o ha’u-nia rekoñesimentu.

Misaun Nasoins Unidas nian ne’ebé akompaña ita tinan neen ona la kleur sei remata ninia mandatu. Sekretáriu-jerál Ban Ki-moon, ne’ebé foin vizita ita iha fulan ne’e, haree rasik progresu ne’ebé ita konsege hetan ona.

UNMIT nia kontribuisaun ba estabilizasaun, hodi kria ambiente konfiansa no kondisaun sira atu hala’o eleisaun, iha 2007 no iha 2012, merese ita-nia rekoñesimentu no sei inklui iha Istória Nasoins Unidas nian nu’udar ezemplu susesu iha operasaun manutensaun ba pás.

Ha’u hato’o saudasaun ida ba Reprezentante Espesiál Interinu Sekretáriu-Jerál nian, señór Finn Reske-Nielsen no membru hotu-hotu UNMIT nian. Ha’u hakarak temi, espesialmente, señór Komisáriu UNPOL no polísia sira ne’ebé serbisu tuir nia komandu tanba sira-nia kontribuisaun ba seguransa ba ita-nia komunidade sira, no asisténsia ne’ebé sira fó ba operasaun hirak-ne’ebé PNTL hala’o no ba prosedimentu eleitorál, ne’ebé fó biban, dala ida tan, ba sidadaun sira atu espresa livremente, liutiha tinan lima ne’ebé restaura konfiansa no muda ambiente iha nasaun nia laran.

Hakarak reconhece mos nasaun hotu-hotu nebe, desde 1999, contribui com forsa manutensaun da Paz ita nia rain, hahu husi Interfet to’o ISF, hodi salva ema nia moris no proteje sira nia sasan.

Enkuantu ita selebra aniversáriu ida-ne’e, ita mós hanoin timoroan rihun hirak ne’ebé ema oho durante violénsia ne’ebé akontese iha ita-nia nasaun depoizde referendu. Ha’u fó omenajen ba memória no espíritu husi ita-nia maun-alin no naan-feton sira-ne’e: sira-nia votu ba independénsia nu’udar sira-nia kontribuisaun, finál no barani, atu liberta ita-nia pátria doben. Ha’u fó mós omenajen ba elementu sira husi Nasoins Unidas no organizasaun internasionál seluseluk ne’ebé mate iha Timor-Leste enkuantu sira serbisu iha misaun asisténsia ba ita-nia nasaun.

Ha’u hato’o ha’u-nia saudasaun ba timoroan sira ne’ebé hela iha fronteira nia sorin-balu ne’ebá. Timor-Leste mós sira-nian hotu. Ha’u hato’o ba sira katak ha’u espera sira sei mós kontribui nafatin ba sira-nia bei’ala sira-nia rain.

Povu doben Timor-Leste nian. Exelénsia sira.

Mandatu UNMIT nian la kleur sei remata, maibé Timor-Leste nia parseria ho Nasoins Unidas sei kontinua.

Ita-nia nasaun sei aprezenta, la kleur, planu ida ho objetivu ne’ebé ita espera ba misaun Nasoins Unidas nian ida iha sirkunstánsia foun, ne’ebé rezulta husi prosesu eleitorál sira-ne’ebé ita hala’o iha tinan ne’e. Liuhusi povu Timor-Leste nia esforsu, konsensu hirak-ne’ebé mosu iha ita-nia sosiedade, no apoiu husi ONU no komunidade internasionál, Timor-Leste konsege ultrapasa tiha ona faze ida instabilidade no inserteza nian.

Dezde restaurasaun independénsia ita halo progresu barak, depoizde simu nasaun ida ne’ebé violénsia sobu tiha.

Maibé, ita sei hasoru dezafiu foun boboot oioin. Liutiha tinan 24 funu nian, ho realizasaun referendu, ita konkista independénsia polítika. Agora, iha ita-nia dalan ba oin ita sei hasoru luta susar liután, hodi bele konkista independénsia ekonómika.

Uluk iha ai-laran, ita luta atu harii nasaun prósperu ida, ita-nia mehi atu iha país ida ne’ebé timoroan hotu-hotu bele moris di’ak liu. Maibé ita seidauk to’o iha ne’ebá.

Ita tenke uza independénsia polítika nu’udar instrumentu ida atu halakon hamlaha, atu la iha tan má-nutrisaun ne’ebé sei kontinua estraga dezenvolvimentu labarik barak nian, iha aldeia barabarak, atu kombate kiak no mós atu harii, gradualmente, moris-di’ak ba família sira Timor-Leste nian.

Objetivu sira-ne’e iha ita-nia liman. Maibé ita só bele konsege halo objetivu sira-ne’e sai realidade ho serbisu maka’as no partisipasaun husi sidadaun sira hotu. Dezenvolvimentu la’ós buat ida ne’ebé Estadu de’it bele halo, mesamesak. Atu hetan susesu iha luta ba independénsia ekonómika, ita presiza unidade, ita presiza ema hotu-hotu nia serbisu, ita presiza envolvimentu komunidade lokál sira-nian iha projetu dezenvolvimentu sira, no ita presiza mobilizasaun joven sira-nian.

Foin-sa’e sira disponivel. Ita tenke integra sira iha ekonomia nasionál, atu sira mós kaer responsabilidade hodi harii nasaun ida ne’ebé prósperu liu no seguru liu.

Atu ita bele manán luta ba moris di’ak liután ita tenke serbisu ho onestidade no laran-moos, no ita tenke hala’o ita-nia moris ho maneira simples.

Ita tenke haburas no foti filafali valór tradisionál sira husi ita-nia povu no ita-nia kultura, no, iha tempu hanesan, ita mós tenke aproveita matenek tékniku, sientífiku no aprende ho prátika di’ak ne’ebé kooperasaun internasionál lori ba ita.

Nune’e, ha’u husu ba ita hotu – ba Governu no ba povu – atu ita serbisu lisuk, ho laran-loos, ho laran-moos, ho espíritu sakrifísiu, atu hamenus kiak no atu uza rikusoin Nasaun nian hodi harii país ida ne’ebé di’ak liután, país ida ne’ebé prósperu liután ba Timor-Leste nia oan hotu-hotu.

Maromak tulun Povo Timor-Leste tomak no ita hotu nebe ohin halibur malu iha ne’e.

Obrigadu Barak
.

TAUR MATAN RUAK: Lançamento do livro A VIDA PELA INDEPENDÊNCIA

.

Lançamento do livro
A VIDA PELA INDEPENDÊNCIA
Centro de Convenções de Díli,
30 de Agosto de 2012

Este livro foi escrito, em primeiro lugar, devido à determinação e ao entusiasmo da Ângela Carrascalão. Sem a sua insistência e o seu empenhamento um livro como este talvez não chegasse a ser escrito.

Quando ela me falou desta ideia, ponderei longamente o convite. Acabei por aceitá-lo porque considero ser nosso dever deixarmos às novas gerações o registo da história que nós vivemos e em que fomos participantes; deixar o registo da memória da luta que tornou possível a independência. A Memória tem de ser escrita, tem de ser registada para que os nossos filhos conheçam a História do seu próprio país.

Há muito que sinto a necessidade de ser preparada a História de Timor-Leste. De garantir que as nossas crianças têm uma referência histórica do seu passado, que alargue o conhecimento do passado que vão adquirindo através da história da sua própria família. As nossas crianças têm de conhecer as raízes da nossa identidade nacional e, munidos desse conhecimento, contribuir para cimentar a unidade nacional.

Ao aceitar o convite da Ângela, pensei nos milhares de irmãos e irmãos, companheiros de luta, que perderam a vida e não podem estar aqui hoje. Também tive de aceitar o convite por eles, pelo seu inestimável contributo para a nossa liberdade. O testemunho deste livro é também uma homenagem sentida aos que nos deixaram sem poder comemorar o 30 de Agosto.

O livro é sobre o testemunho pessoal de quem viveu a Guerra e está a viver a Paz. Não poderia falar de tudo o que vi e vivi. Mas fala de acontecimentos e factos que considero relevantes, não apenas para mim mas para a vida coletiva do nosso país. Alguns desses factos poderão surpreender os leitores pela frontalidade com que os abordo. Devo dizer que o fiz conscientemente. Os homens e as mulheres que lutaram são seres humanos simples, muitos deles de uma humildade tocante. Mas, enquanto seres humanos que somos, também cometemos erros, também temos momentos de fraqueza, de hesitação e de medo. Do mesmo modo tivemos a força, a energia, a coragem e a determinação para combater e viver 24 anos no mato, em condições que a maioria dos seres humanos teriam dificuldade em suportar.

Considerei que chegara o momento de dar a conhecer a luta como ela foi, isenta da aura mitificada da perfeição.

Há muitas pessoas, muitos outros combatentes para serem ouvidos. Desejo que a publicação do livro da Ângela seja um estímulo para outros companheiros de luta deixarem testemunho de experiências e vivências sobre acontecimentos da nossa história que com importância para a nossa memória coletiva e a sociedade atual. Muitos dos nossos companheiros já nos deixaram nestes últimos anos sem que as suas histórias, vidas e experiências ficassem registadas. Deixo o meu apelo às organizações que têem tido a generosidade de proceder à recolha das histórias de vida destes homens e mulheres para que continuem esse enorme e tão valioso trabalho. Deixo-vos o meu reconhecimento pelo trabalho que desenvolvem.

Historiadores experimentados poderão escrever outros livros sobre estes acontecimentos. Há muito trabalho a fazer sobre a nossa história recente.

Mas este livro contém a minha contribuição pessoal – um testemunho sentido e vivido – sobre factos que contribuíram para mudar Timor-Leste e a vida do nosso povo e podem contribuir para motivar as novas gerações de timorenses.

Termino agradecendo a todos quantos colaboraram para que este livro fosse publicado.
Agradeço a presença de todos.

Que Deus vos abençoe.

Muito Obrigado pela atenção.
.

TAUR MATAN RUAK: Lansamentu livru A VIDA PELA INDEPENDÊNCIA

.

(MORIS BA UKUN-RASIK AN)
Centro de Convenções de Díli,
30 de Agosto de 2012

Livru ida-ne’e hakerek, uluknanain, tanba determinasaun no entuziazmu Ângela Carrascalão nian. Lahó ninia insisténsia no empeñamentu, talvés la konsege hakerek livru ida hanesan ne’e.

Bainhira Ângela Carrascalão fó-hatene ha’u kona-ba ideia ida-ne’e, ha’u tetu no hanoin kle’ur. Ikus mai hau simutamba considera dever ida ita hotu nian atu husik hela ba jerazaun foun sira rezistu kona ba ita nia hostoria nebe ita moris no ita rasik partisipa mos; husik memoria fonu nian nebe fila ita nia independensia sai possível. Ita nia memoria tenki hakerek hela, tenki rezista hela para ita nia oan sira hatene historia nia-nian Rain rasik.

Kleur ona mak hau senti nesidade atu prepara historia Timor-Leste nian. Garante ba ita nia oan sira referensi historia ba ita nia passado, loke conhecimento kona ba passado mak sira hatene historia sira nia família nia nian rasik. Ita nia labarik sira tenki hatene klean abut identidade nasional, no husi conhecimento ida nee hametin unidade nasional ita nia povo no nasaun nian. Atu aseita convite Angela nian hau hanoin fila fali feto ka mane, kompanheirus funu nian, nebe lakon tiha ona sira nia moris ba ita nia Rai no ohin sira laiha ita nia let. Tambem hau aseita convite ida nee tambá sira, kontribuisaun ida nebe sira fo hodi ita hetan liberdade. Testemunho iha livru ida nee sai hanesan homenagen ida ba sira nebe husik hela ita no ohin la ho ita atu comemora loron 30 de Agusto.

Livru ida nee hanesan testemunho pessoal husi ema ida nebe moris iha funu laran no agora moris dadaun iha paz nia laran. Labele kulia buat hotu nebe hare no moris ba.

Mas kulia kona ba akontecimentu no faktus nebe hare hanesan relevantes, laos deit ba hau an rasik mas ba mos vida kolektiva ita nia rain nian. Faktus sira nee balun bele surpriende leitur sira tambá apresenta ho frontalidade. Bele hateten katak hau halo konsientimente. Ema feto no mane sira nebe halo funu hanesan mos seres-humanus simples, barak mak ho hakraik an senti no moris iha realidade ida nee. Mas, hanesan ema moris, também iha fraqueza, izitasaun nomos tauk. Hanesan mos ita iha forsa, kbit, koragem no determinasaun atu halo funu durante 24 anos iha ailaran, kondisoes nebe maioria ema moris iha defikuldade atu simu no auguenta.

Hau considera katak to tempu ona atu fo sai ba ema hotu oinsa ita nia funu nia lalaok, ses an husi hanoin nebe dehan buat hotu los deit , tambá iha mos sala. Iha ema barak, kombatenti barak ke hakarak ita rona sira. Hakarak publikasaun livru ida nee bele sai dalan ba kompanheiru sira seluk bele husik mos sira nia testemunha no esperiensia, kona ba akontesimentu ba ita nia historia ke importante tebes ba memoria ita hotu nian no liu-liu ba sociedade no jerasaun foun sira. Ita nia kompanheiru barak los mak husik hela ita iha tinan hirak nee nia laran sei hakerek hela sira nia historia, sira nia vida no esperiensia. Husik hela apelu ida ba organizasaun hotu-hotu nebe fo laran tomak Halibur ona historia de vida husi feto no mane para que kontinua nafatin halao servisu importante ida nee. Hau husik mos hau nia rekonhecimentu ba servisu nebe imi halo dadauk.

Historiadores nebe ho esperiensia bot bele hakerek livru seluk konaba akontesimentu sira nee . Iha servisu barak los mak ita sei halo kona ba ita nia historia rasik.

Maibe livru ida nee fo hela hau nia kontribuisaun pessoal-husi testemunha nebe hau senti no moris-kona ba faktus nebe kontribui hodi muda Timor-Leste no vida ita nia povo nian no bele kontribui atu motiva jerasaun foun sira. 

Atu remata, agradece ba participasaun ema hotu nebee ajuda atu livro ida nee bele publica.

Agradese prezeensa imi hotu nian.

Maromak tulun ita hotu.

Obrigado barak ba atensaun!
.

quarta-feira, 29 de agosto de 2012

ESTA GENTE

.

Sophia de Mello Breyner Andresen, in "Geografia"

Esta gente cujo rosto
Às vezes luminoso
E outras vezes tosco

Ora me lembra escravos
Ora me lembra reis

Faz renascer meu gosto
De luta e de combate
Contra o abutre e a cobra
O porco e o milhafre

Pois a gente que tem
O rosto desenhado
Por paciência e fome
É a gente em quem
Um país ocupado
Escreve o seu nome

E em frente desta gente
Ignorada e pisada
Como a pedra do chão
E mais do que a pedra
Humilhada e calcada

Meu canto se renova
E recomeço a busca
De um país liberto
De uma vida limpa
E de um tempo justo
,

Mensájen SE. Taur Matan Ruak, Prezidenti Repúblika ba loron Konsulta Popular dala XIII

.

Repúblika Demokrática Timor Leste - Presidensia Repúblika

Povu doben Timoroan sira, ohin ita selebra loron Konsulta Popular ba dala XIII. Iha loron 30 Agostu tinan 1999 povu doben Timoroan tomak ho espíritu ukun rasik-an hakat-an bá fatin votasaun sira hodi vota ba ukun rasik-an hodi desidi ita nia nasaun ninia destinu, maske iha ameasas, teror, no intimidasaun oioin, povu ne’e la lakon vontade, espíritu no aten-barani hodi ikus mai ita konsege manán fila fali ita nia INDEPENDÉNSIA ne’ebé proklama tiha ona iha loron 28 Novembru 1975.

Tinan sanolu-resin-tolu liu ona ita hamriik metin hanesan estadu no nasaun ida, iha buat barak ne’ebé ita nia estadu no governu halo ona ba ita nia sidadaun sira nia di’ak, maske seidauk alkansa buat hotu ba ita nia sidadaun sira tomak iha rai doben ida ne’e.

Nu’udár Xefi Estadu ha’u iha esperansa katak ita nia estadu no governu sei haka’as-an nafatin hodi serbii povu ho di’ak tuir liafuan hirak ne’ebé uluk ita nia funu na’in sira husik hela: “Liberta Pátria, Liberta mós Povu.”

Iha biban ida ne’e ha’u hakarak apela ba joven, estudantes no povu tomak atu buka haka’as-an hodi estuda ho badinas iha área hot-hotu atu bele reforsa ita nia rekursus umanus hodi bele harii ita nia estadu no nasaun doben ne’e.

Mai ita hamutuk fó liman ba malu ho espíritu ida atu liberta ita nia povu hosi ki’ak no injustisa nia laran. Hamutuk ita fanun malu, fó hanoin ba malu, hamriik hamutuk hodi kaer rasik kuda talin ba Timor nia futuru ida ne’ebé “Riku, Forte no Seguru.”

PARABÉNS BA ITA TOMAK
.

“OJE 2013, Governu Sei Propoin U$1,5 Billoens”

.

Jornal Nacional Diario - Kuarta-Feira, 29 Agustu 2012

Orsamentu Jeral Estadu ba tinan 2013 mai ne’e, Kintu Governu Konstitusional sei propoin U$1.5 Milloens.

Orsamentu Jeral Estadu 2013 ho montante U$1.5 Biloens nee governu ne’ebe lidera huis Xanana Gusmao fo prioridade ba edukasaun, infra-estrutura, Saude no mos Agrikultura.

Ministra Financas Emilia Pires informa lia hirak ne’e ba Jornalista sira iha Ministeriu Financas, tersa (28/8) hafoin enkontru ho PM Xanana Gusmao.

Iha ekontru ho Primeiru Ministru Xanana ne’e, relasiona ho proposta orsamentu 2013 nian, nune’e Ministra Financas Emilia Pires ho Vice Ministra, Santina Cardoso, bele fo breafing ba Chefe Governu xanana Gusmao antes prezenta pakote fiskal 2013 ba konsellu Ministru, Kuarta (29/8).

Emilia sublinha, ho estrutura governu ne’ebe boot sei la afeta atu aumenta tan orsamentu jeral estadu, maibe governu iha hanoin atu Ministeriu sira ne’ebe uluk ho ida agora sai Ministeriu rua ka tolu bele muda deít funsionariu sira ba mai, no la presiza halo rekrutamentu foun.
.

Francisco Branco: “Materia Estadu Nian Fahe Ba Povu Labele Sai Fali Interese Privadu”

.

Jornal Timor Post - Kuarta-Feira, 29 Agustu 2012

Deputadu Bancada opozisaun FRETILIN, Francisco Branco hateten, materias estadu nian ne’ebe fahe ba povu labele sai fali interese privadu, tanba wainhira membru Governu mak fahe sasan la tuir sentidu de estadu, neé la’os kulpa husi estadu maibe ema individual maka distribui patrimonia estadu ne’e maka aproveita ba interese ninia partidu.

Nia informa katak, iha III lejislatura mai neé sira sei husu ba governu atu halo dekretu lei ida hodi regula patrimonia estadu, nune’e wainhira atu halo distribuisaun tenki tuir regulamentu ne’ebe iha ona.

“Ami sei fo hanoin ba Governu tenke regula dekretu lei ida atu regula patrimonia estadu hotu-hotu ne’ebe fahe tenki iha regukaridade ne’ebe regua,” hateten Branco.

Deputadu husi Bancada Opozisaun ne’e mos hateten katak, ita hotu tenki preokupa tanba ita nia estadu moris deít ho fundu petroliu, ita nia mina la’os sulin hanesan bee maibe to’o nia tempu nia tenki maran, kuandu maran ita ba loos ne’ebe hodi hadia ita nia nasaun no povu nia moris diak.
.

Deputadu David Diaz ‘Mandati’ Ezizi Governu: “Tenki Muda Sistema Pagamentu Ba Funsionariu”

.

Jornal Timor Post - Kuarta-Feira, 29 Agustu 2012

Reprezetante povu iha uma fukun Parlamentu Nasional husi Bancada Opozisaun FRETILIN husu ba governu atu halo mudansa ba sistema pagamentu salariu ba funsionariu sira, tanba durante ne’e funsionariu sira ba forma hanesan atu ba komuniaun.

“Hau husu ba Sekretariu do Estadu ba asuntu parlamentar nian, atu hato’o ba Ministru kompotente atu halo mudansa ba mekanismu pagamentu ne’e,” dehan Deputadu Mandati iha uma fukun PN foin lalais ne’e.

Nia hatutan, iha tempu Indoensia no Portugues nian, funsionariu simu osan iha ida-idak nia servisu fatin, maibe to’o iha ukun aan oin seluk, funsionariu sira ba forma fali iha loron laran hanesan ema atu ba simu ransu ruma.

Ba kestaun n’e, tuir observasaun ne’ebe Diario ne’e nota katak, wainhira iha loron ikus fulan ida nian, funsionariu barak maka forma naruk iha Banku Nasional Komersiu Timor-Leste, ne’ebe fo impaktu mos ba movimentasaun transporte publiku.
.

Konsidera Promosaun PNTL La Los: “PN Eziji Bolu SES”

.

Jornal Nacional Diario - Kuarta-Feira, 29 Agustu 2012

Reprezetante povu iha uma fukun parlamentu Nasional husi bancada Opozisaun FRETILIN, eziji Sekretariu Estadu Seguransa (SES) Francisco Guterres atu ba PN hodi esplika klaru kona ba prosesu formasaun Policia Nasional Timor leste (PNTL) nebe sei halo iha tempu badak.

Razaun bolu SES ba parlamrntu Nasional neé, tanba tuir membru deputadu sira katak iha prosesu promosaun ne’e, iha buat balun ne’ebe la los no la justu.

Iha Deklarasaun Politika, Deputadu david Diaz Ximenes husi bancada FRETILIN hatete, promosaun iha PNTL neébe mak atu halo iha tempu badak ne’e deputadu konsidera iha konkalikong iha laran, tamba promosaun ne’e halo la haree tuir ba ema nia kontribuisaun servisu.

“Bainhira atu halo promosaun tenki hare ba ema nia servisu, tanba nasaun ida foin sai husi konflitu nia laran, ne’e tenki haree mos ba ema ida nia partispasaun ba nia kontribuisaun servisu durante mosu konflitu ne’e,” dehan David Ximenes, Tersa (28/8) iha uma fukun PN.

Nia hatutan, “Laos ema neébe foin ajente sae kedas ba iha komisariu, ne’e la los ona, ne’e duni mak ami eziji ba SES, Komisariu PNTL komandante Jeral ho mos presidenti promosaun mai iha Parlamentu atu nune’e ami bele koalia ho sira.

Iha fatin hanesan, Prezidenti Bancada CNRT natalino do Santos hatete, Bankada CNRT mos eziji duni SES atu mai iha PN hodi justifika informasaun sira ne’ebe dehan promosaun iha PNTL lao la justu no iha interese privadu barak tama iha laran.
.

Kazu KKN: “KAK Simu Keisa 142”

.

Jornal Timor Post - Kuarta-Feira, 29 Agustu 2012

Instituisaun Komisaun Anti-Korupsaun (KAK), hahu tinan 2012 to'o 2012, rezistu ona keisa hamutuk atus ida haat nolu resin ida (142) ne'ebe maka hato'o mai husi Publiku.

“Keisa ne’ebe hato’o mai husi publiku hahu tinan 2010 to’o 2011 hamutuk 103 no fulan Janeiru to’o Junhu tinan ida ne’e hamutuk 39, deklara Jose Antonio, Adjunto Komisariu KAK, ba Jornalista sira iha Edifisiu KAK, Farol, Dili, Tersa (28/8).

Nia dehan, keisa hirak ne’e lubuk ida mak halo ona investigasaun, to’o agora komisaun halo relatoriu investigasaun hamutuk 23 ba Ministeriu Publiku, i Ministeriu Publikumos sei halo analiza ba kazu hirak ne’e hodi hato’o ba tribunal.

Adjuntu Komisariu ne’e hatutan, KAK halo investigasaun ba keisa hirak ne’e aktivu husi autoridade Politikus, eis Ministru, Sekretariu Estadu, Diretor inklui funsionariu balun sai hanesan arguido no sasin, maibe tuir lei haruka, komisaun halo tratamentu igula, la halo desentensaun ba ema nia posisaun.

“Agora Komisaun kontinua prosesu halo investigasaun ba eis Ministru sira tuir keisa ne’ebe tama iha ne’e, i ba membru governu balun ne’ebe agora sira kontinua ativu iha kuintu Governu konstituisaun mos sei bolu hodi hato’o deklarasaun,” Komisariu ne’e esklarese.
.

Fos Dodok Iha Armagen: “PN Konsidera Governu Laiha Planu Halo Jestaun”

.

Jornal Nacional Diario - Kuarta-Feira, 29 Agustu 2012

Membru Parlamentu Nacional (PN) iha uma fukun konsidera Governu laiha planu no inkapasidade atu jere fos tonelada 5 neebe simu husi China iha Abril 2011, tanba oras ne’e dadaun fos sira ne’e rai iha armagen Tibar to’o aat sai dodok hotu.

Deputado Inacio Moreira husi bancada Opozisaun FRETILIN hatete, realidade ne’e hatudu momos ona, katak Governu laiha kapasidade duni atu jere fos hirak ne’ebe mak simu ona ne’e.

“Ita bele dehan governu laiha kapasidade atu jere, ne’e tamba realidade hatudu ona, fos sira ne’e simu tiha husik tau iha ramagen to tinan no to’o aat deit, fo ba laho sira mak han hotu,” dehan Inacio ba Jornalista sira, tersa (28/8) iha uma fukun PN.

Inacio mos husu ba governu, wainhira simu fos husi nasaun seluk, tenki halo planu ho diak hodi nune’e bele jere fos hirak ne’e, nune’e fos hirak ne’e labele husik to’o at deit, tanba fos ne’e loloos tau iha armagen fulan 2 ka 3 de’it fahe ona, labele liu prazu.

ba kestaun ne’e deputadu husi Bankada PD, Virgilio Hornai Hateten, fos sira aat no dodok, ne’e tamba governu la tau atensaun ba kestaun jestaun atu jere foos sira ne’e, tanba ne’e governu tenki tau atensaun ba kestaun oinsa atu jere foos ne’e, atu nune’e ba oin labele akontese tan problema hanesan.

“Iha baze povu barak mak sei susar ba fos, nusa ita la aloka kedas ba baze, hodin fahe ba povu sira neébe susar hetan foos,” dehan Virgilio.

Nia hatutan, Husu ba Komisaun D PN neébe trata asuntu Ekonomia e Dezenvolvimentu tenki halo fiskalizasaun hodi hare firetamente ba fos hirak neébe at, atu nuneé PN mos iha faktus konkreta, hodi nune’e bainhira membru Governu ne’ebe kompotente iha Ministeriu refere mai iha PN, bele hato’o kestaun ne’e ba sira hodi rejolve.
.

“Durante Periodu 2012 KAK Konsege Investiga Kazu Korupsaun 30 Resin”

,

Notisia Husi TVTL - Tersa-Kalan, 28 Agustu 2012

Komisaun Anti Korupsaun (KAK) sei kontinua nafatin halo investigasaun ba kazu korupsaun, ne’ebe deskonfia envolve Eis Ministru IV Governu konstitusional, inklui Ministru balun husi V (Kintu) Governu Konstitusional.

Durante periodu 2012, Komisaun Anti Korupsaun (KAK) konsege halo investigasaun ba kazu korupsaun 3o resin (tolu nolu resin).

Tuir fontes ne’ebe fo sai husi Komisaun Anti Korupsaun katak, kazu refere envolve husi sidadaun baibain no balun seluk tur iha pozisaun politika.

Nune’e mos fontes ne’e hateten katak, investigasaun liu ba ne’e involve mos Ministru balun, sekretariu estdau balun no Diretor balun ne’ebe oras ne’e dadaun sei ativu iha V (kintu) Governu Konstitusional, nune’e mos balun oras ne’e dadaun sai ona eis titular.

Tuir fontes ne’e mos dehan oras ne’e dadaun Komisaun Anti Korupsaun sei buka dadus ba sira ne’ebe envolve iha korupsaun hodi prosesa tuir lei ne’ebe vigora iha Timor Leste.
.

KAK Bolu Vice Ministru Edukasaun: “Paul Asis Rejeita Fo Informasaun Ba Jornalista”

.

Notisia Husi TVTL - Tersa-Kalan, 28 Agustu 2012

Eis Vice Ministru Edukasaun Paul Asis Tersa-feira ne’e presta deklarasaun iha Komisaun Anti Korupsaun (KAK).

Prejensa eis membru IV Governu konstitusional ne’e, kona ba kriasaun Televizaun Edukasaun ne’ebe to’o oras ne’e seidauk implementa.

Esforsu Komisaun Anti Korupsaun (KAK) atu kombate korupsaun iha rai laran kontinua hetan progresu diak.

Iha Terca-feira ne’e, Eis Vice Ministru da Edukasaun Paul Asis presta deklarasaun iha edifisiu komisaun Anti Korupsaun.

Hafoin presta deklarasaun durante oras 3 (tolu) nia laran, Paul Asis rasik rejeita atu fo informasaun ba jornalista sira.

Tuir fontes kredivel ne’ebe TVTL hetan asesu, prejensa Paul Asis nia iha KAK, nia estatutu hanesan arguidu ba kazu kriasaun knaal Televizaun Edukasaun ne’ebe to’o oras ne’e seidauk estabelese, maske nia mandatu remata ona.

Tuir planu, iha tempu badak, Komisaun Anti Korupsaun sei bolu mos eis Ministru Edukasaun Joao Cancio Freitas.
.

“Parte Alfandega Airo-Porto Comoro Detekta Sidadaun Franceza Lori Pistola Ilegal”

.

Notisia Husi TVTL - Tersa-Kalan, 28 Agustu 2012

Airo-Porto Komoro, Dili detekta sidadaun Franceza ida ne’ebe atu lori sai pistola ida ba Australia, sidadaun Franceza ne’e, oras ne’e dadaun submete ba prosesu investigasaun.

Terca-feira (28/8) iha Airo-porto Nikolau Lobato husi parte Alfandega konsege detekta pistola ida ho tipu P-99 ne’ebe sidadaun Franceza ida atu lori sai ba Darwin, Australia, tuir komandante servisu investigasaun kriminal Supertendente Kalistro Goncaga katak, Anton Balleza nuudar sidadaun Franceza neebe tenta lori pistola ne’e hanesan sample ida atu sosa iha rai liur, tuir pedidu husi ema Timor oan ida.

Komandante ne’e la fo sai sidadaun Timor oan ne’ebe husu atu sosa kilat ne’e, maibe ema ne’e identifika ona.

“Pistola ne’e hetan iha Airo-Porto, husi sidadaun Franceza, nia agora tuir hela prosesu investigasaun, nia lori Pistola ne’e hanesan sample ida ba nia, depois nia ba hola no lori mai Timor atu fo ba nia kolega ema Timor oan ida, Pistola ne’e hetan iha nia pasta laran” dehan Calistro.

Pistola refere oras ne’e sei tau hela iha Polisia investigasaun hodi prosesa, tuir komandante serviso investigasaun Kriminal Calistro Gonzaga informa katak, maske pistola ne’e hanesan brinkeirus maibe bele mos hamate ema wainhira troka bala, Sidadaun refere oras ne’e prosesa hela iha Polisia Investigasaun Kriminal.

Sidadaun Franceza ne’e tama iha Timor Leste iha loron 2 fulan Agusto liu ba, husi fronteira Batugade no tuir planu Terca-feira ne’e atu fila ba Darwin Australia, maibe la konsege tamba sei submete ba prosesu investigasaun.
.

Kazu Tibar Sei Iha Prosesu Investigasaun: “Membru F-FDTL Mos Sai Vitima Tamba Hetan Tuda”

.

Notisia Husi TVTL - Tersa-Kalan, 28 Agustu 2012

Xefe Estadu Maior interinu das Forcas Armadas hateten, instituisaun F-FDTL simu relatoriu rua konaba kazu Tibar, tamba ne’e komando F-FDTL sei analiza no hein rejultadu final husi Polisia.

Xefe Estadu Maijor Interinu F-FDTL Aluk informa ba Jornalista sira katak, nia simu ona relatoriu rua, ida husi populasaun no ida seluk husi membru F-FDTL ida ne’ebe deskonfia envolve iha kazu ida ne’e.

Tuir Xefe Estado Major interinu katak, relatoriu rua ne’e, komando simu parte rua komplein sai vitima husi akontesementu ne’e.

Ba kestaun ne’e, komando F-FDTL sei hein relatoriu final husi Polisia hafoin bele deklara rejultadu final.

Aliende ne’e, informasaun ne’ebe TVTL hetan katak, membru F-FDTL ne’ebe deskonfia envolve iha kazu ne’e hetan tuda no kanek iha parte ain, tamba ne’e, nia monu husi motor no nia oan mos hetan kanek iha fatin ne’eba.

Hare husi relatoriu ida ne’e mos katak, parte rua ne’e sai vitima no se los mak sai autor ba kazu ne’e, tamba ne’e Polisia tenki halo investigasaun klean hodi bele hatene loloos aitor ba kazu refere.
.