quarta-feira, 15 de agosto de 2012

“Bemvindo Ban Ki-Moon, ANTI Eziji Justisa Ba Vitima DH Iha TL”

.

Jornal Independente - Kuarta-Feira, 15 Agustu 2012

Sekretariu Jeral Organizasaun Nasoens Unidas (ONU) Ba Ki-Moon, Kurat ohin (25/8) hala’o vizita ifisial ba dahuluk mai Timor Leste.

Objetivu husi vijita ne’e, Sekretariu Ban Ki-Moon sei koalia kona ba misaun ONU iha Timor Leste ne’ebe sei remata iha fulan Dezembru.

Sekretariu Ban Ki-Moon mos sei partisipa iha konferensia New Deal, ne’ebe organiza husi Ministeriu Financas.

Ho oportunidade ida ne’e, Aliansi Nasional ba Tribunal Internasional (ANTI) sei hato’o mos karta ezijensia ba sekretariu jeral Ban Ki-Moon.

Iha karta eskrita ne’e, ANTI Eziji justica ba vitima violasaun diretus humanus husi tinan 1975 to’o 1999, ANTI sujere ba ONU atu lori autor krime kontra direitus humanus ne’ebe hala’o husi Militar Indonesia ba Tribunal Internasional.

Kordenador Konsellu Membru ANTI, Sisto dos Santos hateten ONU mak iha responsablidade masimu ba violasaun direitus humanus iha Timor Leste.

Sisto mos dehan, lori autor krime kontra direitus humanus ba tribunal Internasional hanesan komitmentu ONU nian hodi hametin instituisaun estadu, liuliu sistema judisiariu iha Timor Leste.

Aliende ne’e, ANTI mos husu ba ONU atu fo apoiu Povu West Papua ne’ebe mak hakarak hetan auto determinasaun hodi ukun rasi an.
.

Sem comentários:

Publicar um comentário

Nota: só um membro deste blogue pode publicar um comentário.