quarta-feira, 22 de agosto de 2012

Dom Basilio: “Kilat Lakon Ne’e Konsikuensia Aat”

.

Jornal Nacional Diario - Kuarta-feira, 22 Agustu 2012

Konaba kilat membru Polisia nian ida ne’ebe mak lakon foin lalais ne’e, Bispo Diocese Baucau Dom Basilio do Nascimento ho linguazen diplomasia hateten, laiha opiniaun ba kestaun ne’e, maibe hateten de’it katak, kilat mak lakon ne’e bel iha konsekuensia aat.

“Hau hateten de’it katak, kilat ne’e bele iha konsekuensia ne’ebe aat, agora tansa mak kilat ne’e lakon, oinsa mak kilat ne’e lakon, se mak iha interese atu hasai kilat ne’e husi Forca seguransa sira nia liman, se mak iha interese atu rai kilat ne’e iha nia uma i nia hakarak kilat ne’e iha nia uma hodi halo saida, ne’e hau hanoin so deit kuandu aban bain rua hetan bam aka hetan ema nia oan ida rai kilat ne’e, husu dehan tanba sa mak ho hakarak buat ida hanesan ne’e iha o nia liman,” hateten Bispo Dom Basilio do Nasciemtno sesta semana kotuk, wainhira husu kona ba kilat ne’ebe lakon husi elementu Polisia servisu intelejensia ida nia liman.

Bispo Dioseze Baucau ne’e hatutan katak, laiha opiniaun klaru ba kestaun ne’e.

“Hau laiha opiniaun klaru kona ba ida ne’e, iha balunke podeser ke hasai kilat ne’e tanba hakarak uza buat kroat hasoru buat ruma fali dala ruma hanesan atu gava-an de’it, balun fali podeserke ema mak selu sira hodi dehan ho brani halo buat ida hanesan ne’e ka lae? tanba ne’e nia laiha opiniaun klaru, tansa mak kilat ne’e lakon,” hateten Dom Basilio do Nascimento.

Amo Basilio hatutan tan katak,” iha ema balun gosta arbito, iha ema balun gosta kareta, iha ema balun gosta relojio, ema balun gosta kaneta, podeserke ida ne’e mos naok ida ne’ebe halo kolegasaun ninian, agora buat ne’ebe nia halo ne’e krime, tamba nia hasai ou naok sasan estadu nian, nia tenki selu konsekuensia ba ninia hahalok hirak ne’e,” hateten Bispo Baucau ne’e.

“Hau ladun apar, hau hare de’it iha jornais sira mak koalia konaba kilat lakon, hodi bainhira hau mos rona deputadu ida koalia kona ba dehan, kilat ida hanesan ne’e lakon, ne’e perigu i los duni katak, buat ida kilat tiru manu karik la buat ida, maibe agora Kilat Polisia nia mak lakon ne’e, ne’e laos tiru manu, lahatene oinsa mak kilat ne’e lakon, ema ne’ebe foti subar kilat ne’e ho intensaun saida? buat ida hanesan ne’e perigozu kuandu iha ema nia liman ema uza hodi halo aat,” dehan Amo Bispo Baucau ne’e.

Amo Bispo mos husu katak, kilat sira ne’ebe forces da defesa e seguransa nian ne’e hela iha forces da defesa, ne’e lolos iha seguransa nia liman laos hela fali sivil nia liman, sivil sira ohin ita seidauk iha lisensa maibe hau hanoin katak, loron ida sei fo lisensa, maibe civil nia ne’e uza kilat hodi tiru karau, tiru rusa, ne’eduni kilat military nia ne’e tenki hela iha militar, laos atu hela fali iha civil nia liman.
.

Sem comentários:

Publicar um comentário

Nota: só um membro deste blogue pode publicar um comentário.