segunda-feira, 27 de agosto de 2012

Don Basilio Do Nascimento: “Membru Governu Barak Ka Oituan Importante Mak Efikasia no Efisiensia”

.

Jornal Timor Post - Segunda, 27 Agustu 2012

Estrutura Governu ne’ebe mak boot, tuir Bispo Dioseze Baucau Don Basilio do Nascimento katak, importante maka efikasia ho efisiensia.

“Bau hau numeru ne’e la sura atu ema oituan ka ema barak, ida ne’e hau laiha laran ou ita laiha laran atu hatene, tansa mak Governu ida tenki boot hanesan ne’e, podeser oin loron Xefe do Governu haree katak ema hirak ne’e hotu presiza departementu hirak ne’e hotu, presiza ne’ebe xefe do governu organiza governu ida ne’e ho numeru ida boot hanesan ne’e, maibe bah au laos numeru mak sura,” dehan Amu Basilio ba Jornalista Timor Post, Sesta (24/8) iha nia knaar fatin.

Amo esplika,” ema barak dehan, ema barak demais, governu dehan, lae, ida ne’e la to’o, maibe bah au numeru la sura, buat ne’ebe sura liu ne’e mak efikasia no efisiensia, tanba sira tur iha ne’eba ne’e kala laos ba tur deit, tanba xefe governu do hakarak, maibe sira ba tur iha neeba ne’e tamba xefe do governu hanoin katak, sir abele implementa programa ne’ebeke governu hamutuk hanoin atu halao ba rai ida ne’e nia diak,” esplika Amo.

Amo mos haktuir, ema barak ka oituan, importante mak rejultadu servisu ka dezenvolvimentu.

“Balun ita koinese sei foun, maibe pronto, balun hira ita koinese ne’e mos muda husi Ministeriu, ne’eduni, laos husi semana ida nia laran mak sira hatene, nebee fo lai tempo sira halo avaliasaun konaba atividade nia objetivu ne’ebe Governu iha, e oinsa mak membru ida-idak hala’o objetivu ne’ebe ke governu trasa,” Amo esplika.
.

Sem comentários:

Publicar um comentário

Nota: só um membro deste blogue pode publicar um comentário.