segunda-feira, 27 de agosto de 2012

Filomeno Paixao: “Forsa Tenki Kuidadu An No Labele Ba Tuku Ka Tebe Arbiru Populasaun”

.

Jornal Timor Post - Segunda, 27 Agustu 2012

Brigadeiru Jeneral FALINTIL-Forsa Defesa Timor Leste (F-FDTL) tenki kuidadu an no hatudu disiplina iha komunidade nia leet.

“Hau dehan Forsa tenki kuidadu an, kaer kilat laos atu ba baku ka tebe arbiru deit ema, se ita hasoru komunidade ne’e oin seluk, enkuantu ita ba baku arbiru komunidade sira entaun ema sei hein fali ita, la’o sala ema tidin ita ho besi kanu to’o mate,” dehan Filomeno Paixao ba Jornalista sira, hafoin halao inkontru no asina Joint Comunique konaba Defeza Australia no Timor Leste ne’ebe hala’o iha ro Forsa Naval Australia nian iha Portu Dili, Sesta (24/8).

Durante ne’e, Filomeno Paixao rekoinese katak, membru Forsa barak sai vitima ba atetude komunidade sira nian, maibe iha mos forsa ne’ebe baku beibeik komunidade.

Tamba ne’e, nia husu ba membru F-FDTL sira atu hatudu displina no komportamentu diak iha komunidade nia let hodi nune’e bele hetan respeita husi komunidade sira.

Filomeno Paixao mos husu ba membru F-FDTL sira hotu atu labele uza oportunidade hanesan membru F-FDTL hodi aplika odiu vigansa (balas dendam) ba ema karik iha problema particular ruma antes sira tama iha forsa.

“Hau hanoin tropa tenki kuidadu an, labele sai arbiru, lao buka oras, agora tenki buka tempo eskola no estuda hodi bele kaer forsa ne’e,” dehan Filomeno Paixao.
.

Sem comentários:

Publicar um comentário

Nota: só um membro deste blogue pode publicar um comentário.