quinta-feira, 23 de agosto de 2012

“Foos Tonelada Rihun 5 At”

,

Jornal Timor Post - Kinta-Feira, 23 Agustu 2012

Foos ho total tonelada rihun 5 identifikadu at iha armajen Ministeriu Komersiu Industria no Ambiente (MKIA) nian iha Tibar Dili, Foos nia koor nakfilak sai kinur no metan hotu.

Foos hirak ne’e hetan apoiu husi nasaun Xina ba Ministeriu Solidaridade Sosial (MSS) iha Abril 2001, no, MSS rasik deide haloot provizoriamente foos hirak ne’e iha armazen no Vizita funsionariu MKIA iha Tibar, Kuarta (22/8), Ministru Komersiu Industria no Ambiente, Antonio da Concecao, rekoinese foos hirak ne’e aat duni ona, tanba ne’e, nia hateten, nia rasik sei informa urjenti ba MSS atu toma medidas ba foos hirak ne’e.

“Foos ne’e rai to’o at iha armajen ne’e, hanesan membru Governu foun hau sei informa ba Ministeriu relevante para atu haree problema refere,” Antonio tenik.

Iha parte seluk, Xefe Jestor Seguransa Alimentar MKIA iha Armajen Tibar, Sanco da Silva deklara, foos doasaun husi governu xina ba MSS ne’e rai iha armajen Tibar Komesa Abril 2011.

“Tuir loloos foos ne’ebe rai iha armazen ne’e fulan 6 tenki halo distribuisaun ona, ami informa tiha asuntu ne’e ba sira no sira haruka kareta mai tula duni maibe loron ida kareta ida ou rua deit,” dehan nia.
.

Sem comentários:

Publicar um comentário

Nota: só um membro deste blogue pode publicar um comentário.