sexta-feira, 17 de agosto de 2012

Inagurasaun Igreija Suai: “Amu Bispu Husu Sarani Sira Halo Relasaun Diak Ho Sarani Sira Timor Osidental”

.

Notisia Husi TVTL - Kinta-Kalan, 16 Agustu 2012

Igreja Ave Maria Suai inagura husi Bispu Dioseze Maliana, Dili no Baucau, inklui labarik nain tolu ne’ebe hetan oportunidade hodi tesi fita iha odamatan igreija.

Iha serimonia inagurasaun ne’e, Vise Primeiru Ministru husu ba sarani sira tomak atu hametin relasaun diak ho sarani sira iha Timor osidental.

Inagura Igreija Ave Maria Suai hanesan serimonia ne’ebe uniku, iha inagurasaun ne’e, ba dauluk labarik nain 3 tesi fita iha odamatan igreija nuudar simbolu iha igreija refere.

Entertantu, Bispo nain tolu, ida-idak dada tais husi odamatan, ida dada sai hena husi parede no ida seluk loke odamatan hodi tama ba iha igreija laran.

Iha nia diskursu, Bispo Maliana hateten, igreija ne’e, hanesan monumentu ida baa mu lulik nain 3 ne’ebe mate, hamutuk ho sarani atus rua resin ne’ebe mos mate iha igreija ida ne’e.

Hafoin misa amu lulik husi Beto Indoensia informa katak, sarani sira iha nasaun ne’ebe de’it maibe sarani ne’e ida de’it maka fiar ba maromak.

Sarani sira haksolok ho inagurasaun igreija ne’e, tamba igreija ne’e iha istoria boot ba sarani iha Distritu Covalima nova povu Timor Leste, populasaun rihun ba rihun mak partisipa iha inagurasaun igreija ida ne’e.
.

Sem comentários:

Enviar um comentário

Nota: só um membro deste blogue pode publicar um comentário.