quinta-feira, 16 de agosto de 2012

“Kilat Lakon La’os Problema Sistema”

.

Jornal Timor Post - Kinta-Feira, 16 Agustu 2012

Komandante Polisia Nasional Timor Leste (PNTL), Komisariu Longuinhos Monteiro, afirma, kazu pesoal ne’ebe halakon kilat ne’e laos problema sistema, maibe responsablidade pessoal.

Tanba ne’e, Longuinhos ejeita total komentariu publiku ne’ebe hateten kazu ne’e mosu tanba sistema iha komando nia laran mak la diak.

“Oras ne’e dadaun kazu ne’e sei iha hela investigasaun nia laran, hau hanoin kazu ne’e prosesu ida ke normal, problema responsablidade pesoal nian,” hateten Lnguinhos ba Jornalista sira, Kuarta (15/08), iha Kuartel Jeral PNTL, Kaikoli-Dili.

Longuinhos haktuir, wainhira nia rona kilat ne’e lakon iha loron 27 fulna Jullu liu ba, iha loron hirak tuir mai nia halo kedas relatoriu kona-ba kazu ne’e no halo kedas investigasaun.

Nia hatutan, iha momentu ne’ebe komando fo kedas tempu loron tolu ba membru ne’ebe halakon kilat ne’e atu rekoilla hikas kilat ne’e, maibe tanba lakonsege maka iha loron 10 fulan agustu ne’e komandi suspende membru ne’e hodi tama prosesu investigasaun.

Entertantu, Longuinhos mos hateten, nia rejeita informasaun ne’ebe fo sai iha Media Nasional balun katak, kilat ne’ebe lakon husi Unidade Batalliaun Orden Publika (BOP), Unidade Espesial Polisia (UEP), no media balun mos fo sai katak, kilat ne’e lakon iha fatin protistuisaun.

Longuinhos mos informa, oras ne’e dadaun inspektur jeral, Julio Hornai, maka diriji hela prosesu investigasaun ba kazu kilat lakon ne’e.
.

Sem comentários:

Publicar um comentário

Nota: só um membro deste blogue pode publicar um comentário.