quinta-feira, 23 de agosto de 2012

“KM Aprova Milloens U$ 50 Ba Retifikativu”

.

Jornal Timor Post - Kinta-Feira, 23 Agustu 2012

Governu liu husi Konsellu Ministru (KM) aptova tiha ona orsamentu hamutuk milloens U$50 husi fundu infra-estrutra nian ba orsamentu retifikativu.

Iha orsamentu retifikativu iha tinan ida ne’e Governu sei la propoin tan orsamentu foun, maibe muda de’it miloens U$50 husi orsamentu Jeral Estadu ba tinan 2012, ne’ebe ho total billaun ida liu hodi uza fali ba orsamentu retifikativu.

Ministra Financas Emilia Pires ba Jornalista sira Kuarta (22/8) iha salaun Ministeriu Negosiu estranjeiru no kooperasaun (MNEK) hafoin reuniaun Konsellu Ministru (KM) informa, KM rasik foti ona desizaun ne’e iha reuniaun KM semana kotuk.

Tanba ne’e, Emilia esplika, total orsamentu ne’ebe muda husi fundu infra-estrutura ba retifikativu tinan ne’e, sei troka fali iha verba orsamentu jeral Estadu 2013.

Orsamentu retifikativu ne’ebe Governu prepara ba tinan ne’e, tanba iha Ministeriu no Sekretariu Estadu foun barak, ne’ebe presija orsamentu atu hala’o servisu.

Tanba ne’e, ho orsamentu retifikativu ne’ebe mak iha, hafoin Governu aprejenta ba Parlamentu Nasional hodi hetan aprovasaun, sei aloka ba Ministeriu no Sekretariu Estadu ida-idak hodi hala’o servisu.

Emilia hateten, nia espera katak, ho montante refere bele asegura Ministeriu no Sekretariu Estadu sira nia servisu durante fulan haat nia laran, hahu agora to’o fulan Dezembru 2012.

“Hau espera ho orsamentu ne’e bele sufisiente ba Ministeriu sira atu hala’o servisu to’o fulan Dezembru,” nia hatutan.
.

Sem comentários:

Publicar um comentário

Nota: só um membro deste blogue pode publicar um comentário.