sábado, 25 de agosto de 2012

“Komisaun Funsaun Publika Aprova Sertidaun Reforma Ba Funsionariu”

.

Notisia Husi TVTL - Sesta-Kalan, 24 Agustu 2012

Komisaun da Funsaun Publika aprova sertidaun ba reforma funsionariu publiku ne’ebe priense ona criteria ba tinan 60 ba leten, tamba ne’e Liboriu Pereira husu ba funsionariu Publiku ne’ebe hakarak reforma bele hatam pedidu ba Komisaun Funsaun Publika.

Atu fasilita funsionariu publiku ne’ebe priense ona criteria no bolontariamente hakarak atu reforma, komisaun funsaun Publika, Sesta-feira (24/8) aprova ona sertidaun ba reforma nian hodi fo oportunidade ba funsionariu publika ne’ebe tinan 60 ba leten hodi bele hatama pedidu atu bele reforma.

Liboriu Pereira ba TVTL hateten, komesa sertidaun ne’e aprova, komisaun funsaun publika prontu atu simu funsionarius ne’ebe hatama pedidu ba reforma.

Prezidenti da Komisaun Funsaun Publika reforsa liu tan katak, reforma ba funsionariu publiku la’os obrigatoriu, maibe liu husi lei ne’ebe vigora iha nasaun ne’e hodi fo oportunidade ba Funsionarius Publikus ne’ebe maka hakarak atu reforma, labele lakon sira nia direitu.

Ho sertidaun ne’ebe mak Komisaun Funsaun Publika aprova, sai hanesan beze legal ne’ebe forte ba funsionariu publiku hodi garante sira nia futuru, wainhira tama iha terseira idade.
.

Sem comentários:

Publicar um comentário

Nota: só um membro deste blogue pode publicar um comentário.