quinta-feira, 23 de agosto de 2012

Liborio Pereira: “Lei La Taka Dalan Ema Husi Partidu no Familia Tuur Iha Pozisaun Importante”

.

Notisia Husi TVTL - Kuarta-Kalan, 22 Agustu 2012

Prezidenti da Komisaun Funsaun publika Liborio Pereira afirma katak, Ministru no Sekretariu Estadu V Governu Konstitusional iha kometensia atu halo nomeasaun politika ba familia no ema husi partidu atu tuur iha pozisaun Xefe Gabinete, Media Ofisier, Xefi Financas, Sekretaria no mos Xefe Protokolu tamba la kontra lei funsaun publika.

Liborio Pereira informa asuntu ne’e ba TVTL relasiona ho prosesu nomeasaun politika ba kargu politika ne’ebe hala’o husi gabinete V Governu konstitusional.

Tuir Liborio Pereira katak, lei funsaun publika la regula kona ba pontu ida ne’e, tamba ne’e, kada Ministru ou Sekretariu Estadu iha kompetensia atu halo nomeasaun politika ba familia no ema husi partidu atu tuur iha pozisaun xefe gabinete, media ofisier, Xefe Administrasaun Financas, sekretaria no mos xefe protokolu, tamba la kontra lei funsaun publika.

Liborio Pereira salienta liu tan katak, nomeasaun politika ne’e bazeia ba profesionalizmu no konfiansa politika, maske nune’e wainhira mandatu remata la signifika sira tenki sai funsionariu permanente.
.

Sem comentários:

Publicar um comentário

Nota: só um membro deste blogue pode publicar um comentário.