terça-feira, 21 de agosto de 2012

Loron Boot FALINTIL, Instituisaun F-FDTL Lakon Tan Nia Membru Ida: “Lere Husu Tenki Investiga Cristovao Nia Mate”

.

Notisia Husi TVTL - Segunda-Kalan, 20 Agustu 2012

Instituisaun F-FDTL lakon nia membru ida ne’ebe hetan tuda husi ema deskoinesidu iha parte Quintal Boot, komando F-FDTL sei foti medidas ne’ebe forte hasoru autor ne’ebe halo asaun hodi amate membru F-FDTL ho naran Cristovao da Silva.

Loron 20 fulan Agustu komemora loron aniversariu ba F-FDTL ba 37, maibe iha loron importante ida ne’e, instituisaun ne’e mos lakon nia membru ida ho naran Cristovo da Silva ho postu hanesan Alferis ho knaar iha Kuartel jeral ne’ebe durante ne’e toma konta iha Banda Muzika F-FDTL.

Cristovo da Silva moris iha Lau-uma, Suku makadiki sub Distritu Uatulari, Distritu Viqueque, matebian husik hela nia kaben no oan ida, matebian mate ho tinan 29, hahu tama iha F-FDTL iha tinan 2009, mate bian hetan tuda husi ema deskuinesidu iha loron domingus semana kotuk iha oras tuku hat dadersan, wainhira matebian sai husi uma Audian atu ba uma Quintal Boot.

Tuir familia sira katak, komando F-FDTL tenki investiga atu buka tuir autor ne’ebe tuda Cristovo nia mate.

Iha fatin hanesan, Xefe Estadu Maior Jeneral F-FDTL Lere Anan Timur hateten, wainhira prosesu investigasaun la konsege detekta ema ne’ebe komete iha kazu ne’e maka komando sei foti medidas ne’ebe forte hasoru autor ba kazu refere.

“Forca armadas kualker pais iha mundu ne’e, ema tenki respeita, ida ne’e la siginifika katak tenki tau liman ba Forcas Armadas i hau nudar nia komandante, hau labele nonok deit,” dehan Lere.

Mate isin sei tau iha Motuariu Ospital Nasional Guido valadares, Dili, tuir planu mate isin sei tau iha uma matebian Quintal Boot hodi hein ba prosesu funeral.
.

Sem comentários:

Publicar um comentário

Nota: só um membro deste blogue pode publicar um comentário.