quarta-feira, 15 de agosto de 2012

“Mal Nutrisaun Aas Iha Klinika Bairru-Pite”

.

Jornal Independente - Kuarta-Feira, 15 Agustu 2012

Durante semana rua nia laran, Klinika Bairu-pite identifika mal nutrisaun aas liu iha klinika ne’e.

Responsible mal nutrisaun, klinika Bairu-Pite, Jose Marques hateten, maioria husi ema sira ne’ebe mak hetan moras ne’e ho idade kiik, no mos mai husi familia ne’ebe mak kiak.

“Ami simu sira hala’o tratamentu fo ai-moruk no ai han ne’ebe bele fo nutrisaun diak ba sira nia isin loro-loron,” dehan nia, iha nia servisu fatin, Bairu-pite, Dili (14/8).

Jose hatutan, labarik sira ne’ebe hetan mal nutrisaun ne’e baixa hotu, tanba labarik sira ne’e nia kondisaun grave, bainhira haruka fila sira labele hetan isin diak, tanba familia laiha osan hodi sosa hahan diak
ba oan sira nia nutrisaun.

Nia mos hatutan katak, bainhira nia parte haree moras ne’ebe grave liu, nia parte sei rekomenda ba halo tratamentu iha Ospital Nasional Guido Valadares, Dili.
.

Sem comentários:

Publicar um comentário

Nota: só um membro deste blogue pode publicar um comentário.