quarta-feira, 15 de agosto de 2012

“Ministra Emilia Fiar Governu Foun Sei Laiha Dividas”

.

Jornal Independente - Tersa-Feira, 14 Agustu 2012

Ministra Financas Emilia Pires hatete, kintu Governu konstitusional sei la halo divida maske oras ne’e dadaun Governu sei kontinua uza orsamentu anu-fiscal 2012 nian.

Emilia rekoinese kintu Governu ne’ebe forma husi partidu koligasaun ne’e mosu ho estrutura boot ne’ebe la kondis ho orsamentu jeral estadu tinan 2012 nian maibe nia fiar sei la halo dividas.

Orsamentu jeral Estadu 2012 nian aprova iha fulan Dezembru tinan 2011 (tinan kotuk) ho montante hamutuk billaun $1,7 dolar Amerikanu.

Entertantu, orsamentu ne’e hahu implementa iha fulan Janeiru to’o Agostu tinan ida ne’e husi kuatru Governu Konstitusional.

Aliende ne’e, tuir planu Governu ne’e sei husu tan orsamentu retifikativu hodi aforsa orsamentu jeral ne’ebe hahu uza ona iha governu tuan.

Maski orsamentu retifikativu seidauk aprova, Emilia dehan, Governu foun sei uja orsamentu tinan 2012 nian.

Nune’e, ministeriu foun ho sekretariu Estadu foun, nia dehan, sei uja osan ne’ebe aloka ba departementu ne’ebe iha.

“Osan iha ne’eba, (Kofre do estado) maioria osan iha ejekusaun lao normal,” dehan Emilia ba INDEPENDENTE (Segunda (13/8).

Ejemplu Emilia dehan, Sekretariu Estadu dehan, Sekretariu Estadu Saneamentu agua urbanizasaun agora sei uza osan husi departementu agua urbanizasaun ne’ebe uluk sekretariu estadu eletrisidade agua urbanizasaun nia okos.
.

Sem comentários:

Publicar um comentário

Nota: só um membro deste blogue pode publicar um comentário.