segunda-feira, 27 de agosto de 2012

“PM Xanana ‘Hirus’ Droga Tama Timor”

.

Jornal Independente - Segunda, 27 Agustu 201

Primeiru Ministru Xanana Gusmao bolu atensaun ba Polisia Nasional Timor Leste (PNTL) no alfandega atu hametin seguransa iha area Fronteira hodi evita ema hatama droga mai Timor-Leste.

Xanana deklara kestaun ne’e, tamba foin lalais ne’e nia simu informasaun katak, Polisia Indonesia konsege kaer ema neebe hakarak lori droga tama iha fronteira.

“Hau bolu atensaun ba Portu, katak foin dadauk ne’e liu husi ita nia fronteira ema lori droga i Polisia Indonesia mak kaer iha ita nia fronteira,” dehan PM Xanana iha Portu Dili, Sabadu (25/8).

Ba kestaun ne’e, PM Xanana husu ba PNTL, Migrasaun no Alvandega atu tenke detekta no halakon atividade hirak ne’ebe viola lei iha TL.

Iha fatin hanesan, Sekretariu Estadu Seguransa Francisco Guterres rekoinese katak, nia parte deskonfia droga tama barak iha Timor Leste liu husi area maritima.

Tamba ne’e, Francisco dehan, nia rasik koalia ona ho komandante PNTL, Komisariu Longuinhos Monteiro, oinsa atu reforsa seguransa iha Fronteira rai-maran no Maritima.
,

Sem comentários:

Publicar um comentário

Nota: só um membro deste blogue pode publicar um comentário.