segunda-feira, 27 de agosto de 2012

Portu Naval Tohar: “ADN Buka Kompania Life See”

.

Jornal Timor Post - Segunda, 27 Agustu 2012

Agensia Dezenvolvimentu Nasional (ADN) sei buka kompania Life See Australia ne’ebe mak uluk kaer konstruksaun portu Naval atu solda fali Portu Naval ne’e.

Lia hirak ne’e hato’o husi Diretur ADN, Samuel Marcal ba Timor Post iha nia knaar fatin, Palasiu Governu, Kuarta (22/8).

Tuir nia, sei halo negosiasaun hodi bele ajuda fali kompania lokal Kaya Timor Leste hodi solda fali portu ne’e para augenta.

“Horsehik, ami koalia ho kompania sira katak, iha semana ne’e ou semana oin mai kmpania Lokal Karya Timor Leste bele monta ona pipa ou kanu sira ne’e,” Samuel Esplika.

Nia hatutan, bainhira kompania monta hotu ona mak Ro Indonezia neebe aluga rasik husi Karya Timor Leste bele mai para supa tiha rai henek ne’ebe mak lori tama ba, tanba ro ne’e rasik agora iha ona Oekusse.

“Agora kompania ne’e halo ona, no fatuk ne’ebe mak hada besik hotu ona, nune’e hein deit ro ne’e mai supa deit para sir abele solda fali besi ponte nian atu labele tohar fali,” nia akresenta.

Samuel hateten, orsamentu ne’ebe mak aloka ba iha tracing ou supa rai-henek iha portu Naval ne’ebe mak kaer husi kompania Karya Timor Leste miloens U$3.

“Sira halo hotu, ADN sei ba verifika fali volume ne’ebe mak iha Portu refere, kuandu volume ne’e to’o ADN sei selu, mas volume la to’o ADN sei koa osan,” nia sujere.

Nia haktuir, konstruksaun ba portu Naval Hera ne’ebe mak uluk kaer husi Kompania Life See Australia mesak ema tekniku deit, maibe agora ne’e konstrusaun refere sei kaer husi kompania lokal Kaya Timor Leste.

“Hau ladun kalkula trabaladores hira mak servisu iha konstrusaun ne’e mas, teknikamente laos ema Timor, tamba Timor oan seidauk iha kapasidade atu halo konstrusaun sira hanesan ne’e, maibe sei iha Timor oan lobuk ida mak sei servisu iha konstruksaun ne’e,” nia salienta.
.

Sem comentários:

Publicar um comentário

Nota: só um membro deste blogue pode publicar um comentário.