sexta-feira, 24 de agosto de 2012

Xefe Suku Informa Saudozo Mauhudu Nia Mate Ba La Sama: “Vice PM La Sama Rejeita Informasaun”

.

Foto- Arquivo & Museu da Resistência Timorense

Notisia Husi TVTL - Kinta-Kalan, 23 Agustu 2012

Vice Primeiru Ministru Fernando La Sama de Araujo hateten katak, to’o oras ne’e nia rasik seidauk hatene fatin paradeiru rate saudozo Jose da Costa alias ‘Mauhudu’, La Sama de Araujo rasik hateten, presiza halo teste DNA ba ruin refere hodi hatene loloos saudozo nia mate.

Vice Primeiru Ministru La sama hato’o kestaun ne’e ba TVTL, relasiona ho estetmentu Xefe do Suku Salere Distritu Bobonaro Agustu Dato Buti ne’ebe hateten, antes ne’e nia rasik informa ona rate Saudozo Mauhudu ba Fernando La Sama de Araujo, wainhira sei assume knaar hanesan Prezidenti parlamentu Nasional.

La Sama rasik rejeita informasaun refere, tuir La Sama, nia rasik lahatene informasaun kona ba rate Saudozo Mauhudu liu husi mensazen balun ne’ebe ema haruka ba nia no publikasaun iha Televizaun Timor Leste.

“Hau seidauk simu mensazen ruma, hau seidauk hasoru malu ho ema ruma mak mai konfirma hodi hateten katak, mate iha ne’eba, nia ruin ami mak hakoin iha ne’e, iha suku ida ne’e, ida Aldeia ida ne’e, hau seidauk rona, ema ruma buat ne’e iha neeba karik, ne’e la loos” dehan La Sama.

Maske informasaun refere fo sai husi Xefe do Suku neebe momentu ne’eba hare ho matan Saudozo Mauhudu ema oho maibe Vice Primeiru Ministru ba Kintu GOvernu Konstitusional husu nafatin atu halo teste DNA ho familia saudozo.
.

Sem comentários:

Publicar um comentário

Nota: só um membro deste blogue pode publicar um comentário.