terça-feira, 30 de outubro de 2012

Estudante Produs Video Erotika; “PN Husu Inan-Aman Kontrola”

.

Jornal Timor Post - Tersa-feira, 30 Outubru 2012 

Relasiona ho kazu estudante iha eskola privadu balun produs ona video Erotika ne’ebe agora dadaun espalla mai iha publiku, Prezidenti Komisaun F Virgilio Hornai husu ba inan-aman no professor sira tenki kontrola oan sira, tantu iha uma no eskola. 

 “Hau hanoin asaun in-moral hirak ne’e, no la iha etika liga ba estudante ne’ebe produs ona video Erotika, Primeiru inan-aman no professor tenki hatene ona, oinsa kontrola telefone ne’ebe estudante sira kaer kada fulan ou semana tenki halo kontrola ba sira nia telefone para prevene situasaun inmoral ne’e,” dehan Virgilio Hornai ba Timor Post iha Parlamentu Nasional, tersa (29/10), relasiona ho estudante eskola privadu balun ne’ebe produz Video Erotika hodi espalla ba publiku. 

Antes ne’e, Video Erotika ne’ebe espalla, deskonfia produs husi estudante ensinu sekundaria privadu iha Dili, tanba uza farda eskola kumpletu. 

Estudante ne’ebe halo asaun video Erotika ne’e kompostu husi feto nain tolu hamutuk ho mane nain ida neebe dansa iha uma laran hafoin hasai roupa liur ne’ebe uza hodi taka isin hanesan paseu iha tasi ibun, video ne’e nia duransan drurante minutu 8 nia laran.
.

Sem comentários:

Publicar um comentário

Nota: só um membro deste blogue pode publicar um comentário.