quinta-feira, 11 de outubro de 2012

Komite 12 Novembru; “Eziji Governu Hari’i Monumentu Masakre Santa Cruz”

.

Jornal Nacional Diario - Kuarta-feira, 10 Outubru 2012 

Vise Prezidenti Komite 12 Novembru, Rogerio Castro da Cruz husu ba Governu atu hari’i lalais monumentu Masakre Santa Cruz atu fo onra ba matebian no mate restu 12 Novembru sira. 

 Rogerio hateten, informasaun ne’ebe Komite 12 Novembru simu husi governu no Parlamentu Nasional, iha ona orsamentu hodi hari’i monumentu 12 Novembru ne’ebe aprova ona ho valor U$ 50.000 no osan ne’e rasik ba ona komisaun homenagen. 

 “Lolos planu ba monumentu iha 2008 ate 2012 halo ona, ami halo proposta no realiza enkontru boot ida iha Merkadu Lama (Centro Convensoens Dili), hodi desidi se nia dezenhu mak diak liu (terbaik) no konsege Governu aprova orsamentu sira ne’e hotu hodi atu halo rekonstrusaun ka premeira pedra laos tau de’it fali sinal hanesan ne’e, to fin halao tiha simu kondekorasaun no asina deit aikabelak, ida ne’e la lo’os karik,” dehan Rogerio Tersa (09/10), iha nia knaar fatin, Dili, relasiona ho promesa ne’ebe Governu hato’o antes ne’e. 

 Komite 12 Novembru sei eziji nafatin atu hari’i monumentu 12 Novembru ne’e, la’os tau fali papan (Ai kabelak), lolo’os tenki hari’i ona monumentu 12 Novembru ne’e. 

 Ba kestaun ne’e, Komite 12 Novembru sei hein nafatin tamba governu mak promete ona antes ne’e, tuir Rogerio so sira mate mak foin haluha promesas governu nian ne’e, maibe durante sei moris sira sei la halua no kontinua hein nafatin. 

 Rogerio mos hatutan tan katak, husu ba nain ulun sira, wainhira atu koalia tenki sukat tanba koalia ona promesas, lolos implementa ona atu nune’e povu bel fiar, se nune’e, tuir sira nia hanoin tinan lima mai atu troka governu mos sei nafatin hela de’it. 
.

Sem comentários:

Enviar um comentário

Nota: só um membro deste blogue pode publicar um comentário.