sexta-feira, 23 de novembro de 2012

Aitahan Matak: “Estadu Lalika Preokupa Ho CPD-RDTL”

.

Jornal Nacional Diario - Sesta-feira, 23 Novembru 2012

Kordenador Massa Conselho Popular Defesa Republica Democratica Timor Leste (CPD-RDTL) ou FRETILIN Movimentu, Antonio Aitahan Matak husu ba estadu, atu lalika preokupa ho movimentu CPD-RDTL nian, tanba massa CPD-RDTL hamutuk ho povu Timor laran tomak atu halo to’os no natar hodi sustenta sira nia moris loro-loron nian.

Antonio Aitahan Matak hateten lia hirak ne’e ba Jornal Nacional Diario iha sede nacional CPD-RDTL, Balide Dili, Kinta (22/11), relasiona ho preokupasaun entidades estadu konaba konsentrasaun massa CPD-RDTL 5.000 iha Sub Distritu Fatuberliu Distritu Manufahi oras ne’e dadaun.

Aitahan Matak hatutan, Estadu RDTL hamutuk ho nia orgaun soberanu hat (Prezidenti, Governu, Parlamentu Nasional no Tribunal), no mos instituisaun seguransa no defeza hamutuk ho nia povu tomak lalika preokupa ho CPD-RDTL.

Aitahan Matak mos esplika katak, misaun CPD-RDTL nia mak, uluk kontra Indoenzia para sai husi Timor Leste, depois ita kontra Nasoens Unidas (ONU) para sai, tamba oras ne’e dadauk ONU sai ona entaun tenki haruka ka hatun ema iha Timor laran tomak atu halo to’o no natar.

Aitahan Matak mos afirma katak, CPD konsidera katak, programa ne’e hanesan alternativu nasional atu bele prepara ba tempu tuir mai tamba ne’e maka massa CPD-RDTL/FRETILIN Movimentu tun atu halo to’os no natar iha fatin ne’eba, tanba ne’e lalika preokupa no lalika halo impedementu ba sira nia konsentrasaun.
.

Sem comentários:

Publicar um comentário

Nota: só um membro deste blogue pode publicar um comentário.