quarta-feira, 21 de novembro de 2012

Bancada FRETILIN La Menta Projeitu Bobot Nebe Kaer Husi BTK; “Bancada PD Hateten, BTK Lameres Kaer Projeitu Bobot Tamba Timor Oan Mos Bele”

.

Notisia Husi TVTL - Tersa-Kalan, 20 Novembru 2012 

Parlamentu Nasional lamenta ho projeitu boot ne’ebe kaer husi kompania BTK, tuir deputadu sira katak tempo to’o ona atu hakbi’it kompania Timor oan atu kaer projeitu boot iha rai laran. 

Relasiona ho projeitu boot ne’ebe hala’o iha Timor Leste ba dezenvolvimentu nasaun ida ne’e nian, deputadu iha uma fukun Parlamentu Nasional, liu husi sesaun plenaria segunda-feira ne’e, kestiona maka’as kona ba problema kompania BTK ne’ebe hetan oportunidade husi governu hodi kaer projeitu boot iha Timor Leste. 

Tuir deputadu Inacio Moreira katak, BTK la merese atu kontinua hetan projeitu ne’ebe boot tamba durante ne’e BTK hetan ona projeitu barak. 

 “Ami preokupa iha Parlamentu Nasional ne’e, deputadu hotu-hotu preokupa ba kompania BTK ne’ebe hetan projeitu lubuk ida, kuaze Timor laran tomak, ami preokupa tamba kondisoens ne’ebe nia iha serra ke iha posivel para bele kobre hotu projeitu iha ano fiskal ida, prujemplo nia hetan 10 hanesan ne’e, iha posiblidade para nia kobre hotu tuir nia rekursu ne’ebe iha ka lae? 

Tamba ne’e mak ami husu atu haree asuntu ne’e ho diak I fo hatensaun ba iha governu,” dehan Inacio Morera. 

Iha fatin hanesan deputadu Bergilio Hornai husi Bancada PD hateten katak, tempo to’o ona atu hakbi’it kompania Timor oan atu kaer projeitu iha rai laran, atu nune’e dezenvolvimentu ekonomia iha rai laran bele lao ho diak. 

“BTK la merese atu hetan projeitu boboot iha ne’e, projeitu bobot ne’ebe mak hotu-hotu refere liu ba BTK ne’e lolos labele, tamba ukun an ida ne’e Povu ida ne’e mak tenki ser goja, laos benefisia deit ba emprejariu estranjeiru sira, depois to’o ikus ita hela ho fatuk rahun no rai rahun sira ne’e, depois osan lori hotu ba ema nia rain, ne’e labele, hau hein katak Timor oan mak sei tane ita nia ekonomia laos ema estranjeiru,” dehan Deputadu husi PD ne’e. 

Iha plenaria ne’e, deputadu Bergilio Hornai mos lamenta ho governu ne’ebe kontinua halo divida ba kompania Timor oan ne’ebe halibur an iha konsorsio nasional Timor Leste maske sira finaliza ona projeitu iha tempu ne’ebe governu determina. 
.

Sem comentários:

Publicar um comentário

Nota: só um membro deste blogue pode publicar um comentário.