segunda-feira, 26 de novembro de 2012

CPN FRENTI-MUDANCA Halo Abaiso Asinado “Ejiji Enkontru Alargada Tamba Lideransa FM Aroganti”

.

Jornal Nacional Diario - Segunda, 26 Novembru 2012 

Ekipa Taks Force Conselho Politika Nasional (CPN) Partidu FRENTI-Mudanca halo abaiso asinado hodi husu ba Prezidenti partidu FRENTI-MUDANCA, Jose Luis Guterres ho Sekretariu Geral Jorge da Concecao Teme, atu konvoka lalais enkontru alargada ho CPN kona ba membrus FRENTI-Mudanca ne’ebe hola parte iha estrutura V Governu Konstitusional. 

Karta abaiso asinadu ne’ebe asina husi membru Taks Force CPN nain 19 iha loron 16 fulan setembru tinan 2012 ne’e, husu mos atu lideransa masimu partidu nian bele halo lalais interinu, tanba konsidera funsionamentu operasional partidu nian durante ne’e vakum tiha ona. 

Razaun esnkontru ne’e, bazeia ba desizaun iha loron 17 fulan jullu tinan 2012 iha Prezidenti Jose Luis Guterres nia uma iha Farol, Dili, ne’ebe membrus Consellhu Politika permanente (CPP) tomak hola parte atu deskute kona ba Partisipasaun FM nian iha V Governu Konstitusional. 

Desizaun unanimamente ne’ebe foti iha enkontru ne’e mak, forma ekipa ida ne’ebe lidera husi Sekretariu jeral Jorge Teme, Vice Prezidenti Vior da Costa, xefi komisaun ba eleisaun legislative Joao Cardozo ho Konseleru Abel Ximenes, atu ba hola parte iha enkontru ho CNRT no PD kona ba formasaun Governu, maibe ekipa ne’e laiha kompetensia atu foti desizaun ruma, katak se-se deit atu tama iha V Governu Konstitusional. 

Desizaun ba membru ne’ebe hetan fatin iha V Governu konstitusional lolos sei deskute iha nivel CPP ho CPN, maibe realidade, tuir karta abaiso asinado ne’e katak, ekipa ne’ebe forma viola tiha ona desizaun unilateralmente no sekretamente ba mebrus ne’ebe atu partisipa iha estrutura V Governu konstitusional. 

Membru CPN ho CPP, Hercio Maria das Neves Campos, fo asina katak, sira halo abaiso asinado hodi ejiji ba Prezidenti Jose Luis Guterres no Sekretariu geral Jorge Teme, atu bele esklarese lista membru Partidu Frenti-Mudanca nian ne’ebe hola parte iha V Governu Konstitusional. 

Turi Hercio Campos, to’o agora Prezidenti Jose Luis Guterres ho Sekretariu Geral Jorge Teme nunka informa detailadu ba membru CPP-CPN kona ba desizaun sekretamente ne’e. Iha V Governu konstitusional ne’e, FRENTI-MUDANCA deside ‘sepihak’ husi Jorge Teme ho Jose Luis Guterres, nomea sira nia an no noema sira nain hat seluk mak ba hola parte, sira hirak ne’e maka Jose Luis Guterres nuudar Ministro Begosio estranjeirus, Jorge Teme, Ministru Administrasaun ESTATAL, Abel Ximenes, Vise Ministru Comersio, Industria no meu Ambiente, Victor da Costa, Secretario Estrado Seguransa Sosial, Joao Cardoso, Secretario Estado floresta, ho Ricardo cardozo Nehu, Sekretario Estado Comercio. 

“Ami fo tempo fulan ida ba Prezidenti ho Sekretariu geral atu halo enkontru ho CPN-CPP atu hato’o ba kuadrus hotu kona ba mekanismu ne’ebe uza ba FRENTI-MUDANCA nian ne’ebe hola parte iha V Governu Konstitusional, tansa mak Prezidenti ho Sekretariu Geral foti desiaun mesak,” afirma Hercio Campos ba Jornalista sira iha Dili, Sabadu (24/11). 

Hercio hateten, se liu tiha fulan ida mak Prezidenti Jose Luis guterres ho Sekretariu geral Jorge Teme la fo resposta hodi halo enkontru, ekipa Task Force sei toma inisiativa ida rasik atu konvoka reuniaun extra-ordinariu hodi deskute no foti rezolusaun kona ba suspensaun difinitiva ba kargu Prezidenti ho Sekretariu geral iha Frenti-Mudanca. 

Hercio hatutan, Vitoria Partidu FRENTI-MUDANCA nian hodi hetan votus 14,648 (3,11%) iha eleisaun legislativu, laos esforsu ema ida ka rua nian mesak, no laos mos husi grupo exklusivu ne’ebe hola parte iha V Governu Konstitusional, maibe esforsu ema barak nian, inklui militantes no simpatizantes hotu nian. 

 Nia esklarese tan katak, Partidu FRENTI-MUDANCA sei nurak liu, ne’e duni, lalika loko an tanba partisu barak forte no iha kadeira, maibe iha eleisaun legislativu 2012 la hetan kadeira. Membru CPN sira ne’ebe halo abaiso asinadu ne’e konsidera Sekretariu Geral Jorge Teme arogante no fori an liu hodi utiliza partidu sai fali hanesan kompania unipesoal ba nia interese hodi benefisiu nia an. 

 “Iha deit gabinete ESTATAL nian, ema hirak ne’ebe nomeasaun politika ne’e maioria ema husi liur, ema nain ida ka rua deit mak mai husi FRENTI-MUDANCA, Jorge Teme kala hanoin membru CPN ho CPP sira ne’e mesak beik deit, ne’e mak akrgu nomeasaun politika sira ne’e lori fali ema laos husi partidu, ne’e dezastre boot no hatudu duni Jorge Teme nia arogansia,” afirma Hercio Campos.
.

Sem comentários:

Publicar um comentário

Nota: só um membro deste blogue pode publicar um comentário.