sábado, 10 de novembro de 2012

Deputadu Bancada FRETILIN Kestiaona; “Estrada Covalima Kondisaun Grave”

.

Jornal Nacional Diario - Sesta-feira, 09 Novembru 2012 

Adjunto Administrador Distritu Covalima Filipe Cardozo eziji ba Governu sentral urjentimente hadia halais estrada nasional ligasaun Dili to’o Covalima tanba kondisaun agora at tebe-tebes. 

Adjuntu administrador ne’e kritika maka’as tanba durante tinan 10, Timor Leste hetan ona nia independensia maibe governu sentral seidauk hadia estrada iha Covalima. 

Nune’e, nia kestiaona no husu atu hadia lalais tanba agora tempo udan ona, bele afeita sirkulsaun transporte husi nasional to’o distritu Covalima. Entertantu Deputadu Inacio Moreira husi Bancada FRETILIN hatete, governu tenki alka osan para hadia estrada husi Dili mai to’o iha Covalima. Inacio dehan tan, Distritu Covalima nuudar Distritu ida ne’ebe iha rekursu naturais barak, tanba ne’e, presiza hadia estrada hodi bele fasilita movimentasaun trasporte ba mai diak. 

Hatan ba kestaun ne’e, Ministru Obras publiku (MOP) Gastao Sousa hateten, nia parte sei lakohi halo promete, maibe iha nia mandatu iha tinan lima, nia sei esforsu hodi hadia estrada tomak iha teritoriu TL ne’ebe nia kondisaun a’at ona. 
.

Sem comentários:

Publicar um comentário

Nota: só um membro deste blogue pode publicar um comentário.