quinta-feira, 29 de novembro de 2012

“Ekipa Teste Kilat PM-2V1 Aranka Ba Indonezia”

.

Jornal Timor Post - Kinta-feira, 29 Novembru 2012 

Ekipa ne’ebe Sekretariu Estadu Seguransa (SES) forma hodi atu halo teste ba kilat PM-2V1 ne’ebe Governu planeia atu sosa ba Polisia Nasional Timor-Leste (PNTL) aranka ona ba Indoenzia hodi halo teste ba kilat refere. 

Ekipa ne’ebe dezloka ba Indoenzia ne’e, lidera husi Diretur Jeral Sekretariu estadu Seguransa (SES), Guihermina no involve ekipa ida husi PNTL, F-FDTL no ekipa ida husi Komisaun B Parlamentu nasional. 

Sekretariu Estadu Seguransa (SES), Francisco Guterres Informa, ekipa ne’e tuir planu sei halo teste ba kilat hamutuk 75, me’ebe Governu planeia atu sosa ba PNTL hodi hala’o seguransa. 

 “Ekipa ne’ebe ami forma aranka ona ba Indonezia, agora ita hein rejultadu de’it,” deklara SES Francisco Guterres ba Jornalista sira, hafoin partisipa iha inkontru Polisia CPLP ba dala VII iha Hotel Timor, Dili (27/11). 

 Portantu wainhira ekipa ne’e fila mai husi Indonezia, no hato’o rejultadu teste ne’e ba Governu hafoin, Governu sei haree nesesidade PNTL nian, kona-ba arma depois maka deside hodi sosa tan kilat ba PNTL. 

 “Iha 2013 mak Governu sei deside atu sosa tan kilat ba PNTL ou lae, desizaun ne’ebe Governu foti sei haree ba nesesidade,” informa Francisco.
.

Sem comentários:

Publicar um comentário

Nota: só um membro deste blogue pode publicar um comentário.