sexta-feira, 30 de novembro de 2012

Estatua Dom Boaventura Hanesan Garuda Pancasila; “Lu-Olo: Governu Laiha Kordenasaun Ho Familia”

.

Jornal Independente - Sesta-feira, 30 Novembru 2012 

Komunidade Manufahi inklui Povu Timor Leste ne’ebe partisipa iha serimonia tinan 100 revolta Manufahi triste ho estatua Dom Biaventura, ne’ebe diferente ho imazen orijinal tanba hanesan emblema Garuda Pancasila. 

Tuir imazen irijinal Dom Boaventura nian, tuur hateke ba loos no iha surik ho kilat iha liman, maibe estatua ne’ebe mak halo husi Indoenzia ne’e hateke fali ba karuk hodi kaer surik no kilat. 

 Trindade Batista “Adai”, komunidade Distritu Dili ladun kontenti ho estatua ne’e, tanba nia modelu la hanesan ho imajen orijinal. “Ita triste haree estatua ne’e la hanesan ho nia foto orijinal, tanba nia hateke fali ba karuk, halo iha Indoensia hanesan fali Garuda Pancasila,” dehan nia. 

Nia dehan, molok halo estatua ne’e tenki konsulta labele ema ida mak foti desizaun ba nasaun ida ne’e. “Iha rai ida ne’e laiha ema ida mak maromak, ne’ebe nia mesak mak foti desizaun ba buat hotu-hotu,” dehan Adai. 

 Entertantu, Prezienti partidu FRETILIN, Francisco Guterres Lu-Olo hatete, fallansu ne’e mosu tanba governu laiha kordenasaun diak ho familia no autoridade lokal. 

“Estatua ida ne’e nia oin hanesan ou la hanesan, maibe srimonia liu tiha ona, kestaun kona ba ida ne’e, devia antes ba halo estatua tenke konsulta ho komunidade ho familia para oinsa halo estatua ne’e,” dehan Lu-Olo.

Estatua Dom Boaventura nian hatuur iha Suku Luak ne’ebe uluk sai hanesan baze apoiu ba funu Manufahi. 

Entertantu, estatua Dom Boaventura halo iha bandung Indonezia ho osan rihun U$ 300 konta ho kustu instalasaun no transporte lori husi Indoenzia mai Timor Leste. 

Diretur Azensia Dezenvolvimentu Nasional, Samuel mendonca hateten, projeitu estatua ne’e entrega ba kompania Noman Noarta husi Indoensia mak halo, desizaun ne’e halo tamba estatua laos konstrusaun normal ne’ebe kompania hotu halo. 
.

Sem comentários:

Publicar um comentário

Nota: só um membro deste blogue pode publicar um comentário.