quarta-feira, 14 de novembro de 2012

“Estudante Hatulia Tuur Iha Biti Hala’o Aprendizazen”

.

Jornal Independente - Tersa-feira, 13 Novembru 2012 

Estudantes huis eskola ensinu baziku filial no. 977 Orema Hatulia kontinua tuur iha biti hodi hala’o aprendizazen. 

Eskola ne’e harii iha tinan 2009 husi governu Norwegia to’o ohin loron kontinua hasoru difikuldades ba ekipamentus eskola hanesan meza no kadeira, liuliu falta sala atu hanorin. 

Director eskola ensinu baziku filial no. 977 Orema Hatulia, Julio Ximenes Madeira hateten, eskola ne’e harii iha situasaun emerjensia nia laran, hodi responde ba ezijensia komunidade nian. 

 “Eskola nee harii iha 2009 no hahu uza iha 2010, no kontinua hasoru difikuldades to’o agora, tanba eskola ne’e harii ho emerjensia, 2010-2012 ne’e estudante barak sei kontinua tur deit iha rai,” dehan Julio iha Hatulia foin lalais ne’e. Julio haktuir, estudante hirak ne’ebe mak oras ne’e uza biti mak primeiru ano. 

Durante eskola ne’e harii hetan ajudus ekipamentus husi governu Norwegia, entertantu Ministeriu edukasaun foin mak hala’o observasaun ba problema ne’ebe eskola ne’e infrenta. Nune’e, nia husu ba governu atu hadia lalais kondisaun eskola ne’e, tamba se lae bele efeita ba prosesu aprendizazen.
,

Sem comentários:

Publicar um comentário

Nota: só um membro deste blogue pode publicar um comentário.