sexta-feira, 30 de novembro de 2012

Estudante Rekomenda Fo Lisensa Ba Bis Kota; “Deputadu CNRT Rekoinese, Governu To’o Agora La Rejolve Problema Transporte”

.

Jornal Nacional Diario - Sesta-feira, 30 Novembru 2012 

Tarifa transporte publiku ne’ebe ikus-ikus ne’e komesa manobra nia folin lori impaktu direita ba estudante sira. 

Ohin loron estudante sira laran susar no fuan taridu, tanba la augenta ho tarifa transporte publiku, hanesan mikrolet ne’ebe dalawain manobra nia folin ho razaun ne’ebe inventadu. 

Estudante sira dala barak deskute malu ho ajudante mikrolet, tanba deit kobra estudante sira minimu U$ 0.20 to’o U$ 25/estudante. Pior liu tan, kuandu estudante sira fo osan U$ 0.50 dalawain ajudante mikrolet la Bolta fila. 

Ho atetude hirak ne’e, estudante sira rekomenda ba Governu, liu-liu dirasaun nasional Transporte no trestre (DNTT) atu bele fo lisensa ba Bis Kota (DAMRI-red) hanesan tempu Indoenzia nian, hodi halo operasaun iha Dili laran. 

Rajaun seluk, tuir estudante sira katak, ho Bis kota ne’e bele ajuda diak liu atu tula estudante sira no governu bele fasil liu kontrola nia presu. 

 “Iha Dili transporte Mikrolet barak, maibe la augenta tanba volume pasazeirus nian barak tebes, at liu tan, ho nesesidade pasajeirus ne’ebe barak ne’e, mikrolet sira aproveita hasai nia tarifa tuir sira nia gostu deit, tanba ne’e diak liu governu fo lisensa ba Bis Kota hodi tula estudante sira,” hateten Martinha Emelia Ximenes Estudante UNDIL iha Tacitolu, Dili (29/11). 

Hatan kona ba preokupasaun estudante ne’e, membru Parlamentu Nasional husi bancada CNRT, Arao Noe de Jesus hateten, problema transporte publiku ne’e sempre levanta bei-beik husi deputadu sira iha plenaria hodi bolu atensaun ba governu hodi buka lalais solusaun, maibe la hatene los, nia hun ne’e to’o iha ne’ebe ona mak to’o ohin loron seidauk iha resposta husi autoridade kompotente. 

“Ami sujere ona ba governu para aloka osan sosa Bis Kota hodi atende komunidade ho estudante sira iha Dili laran, liu-liu rute Tasi Tolu, Comoro no to’o Becora,” esplika deputado Arao Noe. 

Nia rekoinese katak, problema trasporte publiku iha Dili laran presiza duni hetan atensaun seriu husi Governu.
.

Sem comentários:

Publicar um comentário

Nota: só um membro deste blogue pode publicar um comentário.