sexta-feira, 23 de novembro de 2012

FRETILIN Depende; “CNRT-PD Husu PNTL No F-FDTL Kaer CPD-RDTL”

.

Jornal Nacional Diario - Sesta-feira, 23 Novembru 2012 

Bancada Parlamentar CNRT no PD husu ba Polisia Nasional Timor Leste (PNTL) no FALINTIL Forsa Defesa Timor Leste (F-FDTL) atu halo atuasaun lalais ba grupu CPD-RDTL ne’ebe tuir informasaun halo ameasa ba komunidade iha Distritu Bobonaro hodi hadau hotu sasan

Maske nune’e, Bancada FRETILIN iha uma fukun Parlamentu nasional defende maka’as tanba CPD-RDTL la’os ema beik maibe hanesan mos ema rezistensia. 

Tuir II Vice Prezidenti PN, Adetiro Hugo da Costa katak, CPD-RDTL hamesa komunidade no hadau sira nia sasan ne’e konsidera aktus krime, tanba movimentu ne’ebe halibur ema barak sein planu ho atributu military nian ne’e aktus ida ne’ebe mak tuir lolos tenki hetan atuasaun husi orgaun kompotente. 

Nune’e mos, Prezidenti Komisaun B, trata ba asuntu defeza no seguransa, Maria Lourdes Bessa hateten katak, governu tenki rejolve lalais asuntu CPD-RDTL sira ne’ebe agora dadauk halo movimentu iha Distritu manufahi, atu labele fo impkatu ba estabilidade nasional. 

Maria Lorudes hatutan katak, PNTL la presiza husu orden husi parlamentu Nasional tanba lei no orden iha tiha ona kona ba atuasaun konflitu iha rai laran. Iha fatin hanesan, deputadu Bancada FRETILIN, David Diaz Ximenes hateten katak, nia la dun fiar katak, CPD-RDTL halo ameasa ba komunidade sira tanba nia rasik hatene CPD-RDTL ne’e mesak ema rezistensia deit. 

Tuir deputadu David katak, nia parte hatene katak, iha tempu liu ba grupu CPD-RDTL husu ba governu para fo rai atu halo komunal, no ida ne’e labele halua sira tanba uluk sira mos halo buat ruma ba Timor mak to’o ohin loron ukun-an. 

Iha sorin seluk, Komandante Jeral PNTL, Komisariu Longuinhos Monteiro hateten katak, maske povu oras ne’e moris traumatizadu hela, maibe Polisia Nasional Timor Leste (PNTL) sei la halo operasaun arbiru. 
.

Sem comentários:

Publicar um comentário

Nota: só um membro deste blogue pode publicar um comentário.