quinta-feira, 22 de novembro de 2012

“FRETILIN Kestiaona Kareta 21 Nia Paradeiru”

.

Jornal Nacional Diario - Kinta, 22 Novembru 2012 

Deputadu Antonino Bianco husi Bancada FRETILIN, kestiaona paradeiru kareta 21 ne’ebe mak sasa ba deputadu bancada FRETILIN, iha Parlamentu Segunda Lejislatura, maibe sira la simu iha momentu ne’eba, tanba ne’e deputadu Antoninho Bianco husu ba V Governu Konstitusional atu esplika ba reprezetante povu iha Parlamentu molok sosa tan kareta foun. 

“Bainhira ita atu sosa tan tenki haree mos aset parlamentu nia uluk, hau husu kareta 21 ke FRETILIN uluk iha opozisaun la foti, maibe FRETILIN lahatene katak, kareta ne’e agora lori ba ne’ebe, kareta 21 ne’e sei aset duni parlamentu, entaun tenki tau tiha fatin,” sublinha Deputadu husi bancada FRETILIN ne’e iha Kuarta (21/11) iha PN. 

Nia haktuir, se iha programa lelaun, FRETILIN nia ema ne’ebe la tama iha laran mos tenki iha direitu atu hetan lelaun. 

Nia haktuir, iha governu anterior opozisaun FRETILIN uza kareta ‘Second hand’ hodi halo serviso no manutensaun mos sira hadia mesak ho osan privadu, ne’ebe agora FRETILIN ezizi tenki defini kedas utilizasaun kareta agora ba oin.

 Ba kestaun ne’e, Prezidenti Parlamentu Nasional, Vicente Guterres hateten katak, deputadu ne’ebe maka lakohi simu kareta tenki simu konsekuensia. 

Nia salienta liutan katak, deputadu ne’ebe maka hakarak uza kareta privadu nia tenki ense konvustibel rasik no halo manutensaun rasik. 
.

Sem comentários:

Publicar um comentário

Nota: só um membro deste blogue pode publicar um comentário.