sexta-feira, 30 de novembro de 2012

“FRETILIN Preokupa Paison Tarutu Iha Tempu Kalan”

.

Jornal Nacional Diario - Sesta-feira, 30 Novembru 2012 

Deputada Florentina Smith, husi Bancada FRETILIN hateten katak, durante ne’e sira preokupa ho situasaun Dili laran ne’ebe mak sempre halo ema trauma, relasiona ho paison ne’ebe joven ho labarik sira sunu iha tempu kalan, ho situasaun ida ne’e FRETILIN husu ba Sekretariu Estadu Seguransa (SES), atu reforsa tan Polisia komunitaria iha povu nia leet. 

 “Tanba ita hare katak, oras ne’e dadaun labarik sira halimar ho paison, komesa tuda ona paison ba iha gruu ka ema ida ne’ebe la’o ain, no halo ema hakfodak, entaun situasaun ne’e ita hare la dun diak,” dehan Florentina Smith iha uma fukun PN foin lalais ne’e. 

Nia salienta, agora dadaun besik tama ona ba natal, ema barak mak preokupa ho seguransa iha rai laran. Iha fatin hanesan, deputadu Paulo Moniz husi bancada FRETILIN mos afirma katak, seguransa agora dadaun iha rai laran menus, tanba transporte ba Polisia sira atu halo paroilhamentu mak menus liu, kompara ho UNpol sira. 

 Iha sorin seluk, Deputada Anastacia da Costa husi bancada FRETILIN hatutan katak, agora dadaun ne’e maske seidauk tama ba Natal, maibe kalan-kalan paison tarotu iha kintu-kantu hodi halo ema trauma. 

Nia akresenta tan katak, tina ida ne’e oin seluk, basa polisia sira husi labarik no Joven sira halo paison tarutu hodi provoka situasaun. 
.

Sem comentários:

Publicar um comentário

Nota: só um membro deste blogue pode publicar um comentário.