quarta-feira, 7 de novembro de 2012

Julgamentu Kazu GPM: “Adriano Nega Komete Kazu Abuzu Poder”

.

Jornal Timor Post - Kuarta-feira, 07 Novembru 2012 

Tribunal Distrital Dili (TDD), Tersa (06/11). Kontinua halo audensia julgamentu kazu abuzu de poder no korupsaun ne’ebe deskonfia komete husi arguida Flavia da Silva Serano nu’udar diretora jeral Gabineti Primeiru Ministru (GPM), ho Arguido Adriano Cunha gomes nu’udar ofisial finansas iha Gabinete Primairu Ministru. 

Arguida Flavia ho arguido Adriano deskonfia partisipa iha prosesu lubuk ida hanesan koredor, rehabilitasaun hariis fatin, ekipamentus informatika, rehabilitasaun edifisiu Gabinete PM, Natal konjunta no bolsu estudu. 

Arguidu Adriano liu husi nia deklarasaun ba Tribunal hateten, nia hakfodak wainhira Komisaun Anti Korupsaun (KAK) bolu nia ba investiga, tanba momentu serviso sira ne’e lao, laiha ema ida maka halo reklamasaun maibe derepenti KAK investiga deit nia. 

“Hau nia preokupasaun hakarak buka kompania ne’ebe hala’o nia servisu iha tempu badak nia laran, koresponde ho orsamentu ne’ebe mak iha, tanba serviso ne’e mos hetan autorizasaun husi Primeiru Ministru,” arguidu dehan liu husi audensia julgamentu iha Tribunal Distrital Dili (TDD), Tersa (06/11). Liu husi audensia julgamentu iha antes ne’e, Tribunal rona ona deklarasaun husi arguida Flavia Soares krimi refere, maibe, arguida rejeita akuzasaun ne’e ho razaun faktus ne’ebe iha akuzasaun laran balun loos no balun sala. 

Audensia julgamentu ne’e lidera husi juis koletivu maka juis prezidenti Jose Maria de Araujo, akompanha husi juiza Edite Palmira no Antonio Gomes, enkuantu juis husi Ministeriu Publiku reprezenta husi prokurador Jose Ximenes no arguidu nain rua hetan asistensia legal husi defensor Fernando de carvalho husi Defensor publiku, akompanha husi Zaime Leite nuudar defensor internasional. 
 .

Sem comentários:

Publicar um comentário

Nota: só um membro deste blogue pode publicar um comentário.