terça-feira, 27 de novembro de 2012

Kona Ba Ejijensia CPN FRENTI-Mudanca: “Jose Luis: Ne’e Dinamika Demokrasia”

.

Jornal Nacional Diario - Tersa-feira, 27 Novembru 2012 

Prezidenti Partidu FRENTI-MUDANCA, Jose Luis Guterres, afirma katak, diferensia opiniaun ne’ebe akontese iha parte FRENTI-MUDANCA nia laran nudar dinamika demokrasia. 

Jose Luis Guterres, atual Ministru Negosiu Estranjeirus (MNE) fo hanoin ne’e hodi responde ba ezizensia ekipa taks force Conselho Politika Nasional (CPN) ne’ebe halo abaiso asinado hodi ejiji ba Prezidenti Partidu FRENTI-MUDANCA Jose Luis Guterres ho Sekretariu geral FRENTI-MUDANCA, Jorge da Concecao Teme, atu kovoka lalais enkontru alargada ho CPN kona ba membrus FM ne’ebe hola parte iha estrutura V Governu Konstitusional. 

 “Ne’e demokrasia nia dinamika no ami iha planu duni atu halo reuniaun strutura nasional FRENTI-MUDANCA nian,” klarifika Jose Luis Guterres hodi responde JNDiario liu husi Short Message Sentre (SMS), segunda (26/11). 

Ho neon boot, Jose Luis klarifika mos katak, nia respeita tebes deferensia de opiniaun, maibe, sedu ou tarde reuniaun ne’ebe ekipa taks force CPN ejiji sei realiza duni iha tempo badak mai.
.

Sem comentários:

Publicar um comentário

Nota: só um membro deste blogue pode publicar um comentário.