quarta-feira, 21 de novembro de 2012

“Kria Lei Pena Morte Ba Autor Droga Kontrariu Ho Konstituisaun”

.



Jornal Independente - Kuarta, 21 Novembru 2012 

Ideia kriasaun lei pena morte ba autor droga hamosu pro no kontra, deputadu balun dehan kria lei ne’e atu hamate kurir droga iha Timor leste no idea balun dehan defisil aplika pena morte tanba kontra konstituisaun RDTL. 

Ba kestaun ne’e, deputada husi Komisaun A Parlamentu nasional, Carmelita Moniz dehan defisil atu aplika pena morte tanba tenki reve konstituisaun RDTL, nia dehan, konstituisaun la fo dalan ba pena morte no prizaun prepetua. 

Maibe, tuir Vice Prezienti PN Aderito dehan, bainhira la kria lei propriotuir difisil atu prosesa Timor oan seluk, karik envolve aan iha atividade kurir droga, no Timor Leste fasil atu hetan invasaun droga husi rai liur hanesan Indoenzia, Australia no nasaun seluk. 

Nune’e mos, deputadu Inacio Moreira hateten katak, nuemru movimentu droga tama iha Timor Leste oras ne’e hahu maka’as, nia deskonfia iha Timor oan balun maka organiza droga ne’e. 

Husu ba Polisia intelejensia sira atu halo vijilansia masimu hodi kaer tanba perigu ba jerasaun foun. Entertantu, deputadau husi bancada CNRT Natalino dos Santos lamenta governu bainhira kaer autor droga nain lima no sidadaun estranjeiru ida ne’ebe lori pistola seidauk prosesu tuir lei ne’ebe iha hodi haruka fila ba sira nia rain. 

Nia mos husu ba komisaun B asuntu defeza no seguransa hodi husu responsablidade governu nian tanba saida deporta kurir droga sira fila bainhira seidauk hetan prosesu klean iha Timor Leste. 
.

Sem comentários:

Publicar um comentário

Nota: só um membro deste blogue pode publicar um comentário.