quarta-feira, 14 de novembro de 2012

La Sama Rekoinese; “Governu Seidauk Halo Dezenvolvimentu Barak”

.

Jornal Nacional Diario - Tersa-feira, 13 Novembru 2012 

Vice Primeiru Ministru (PM), Fernando La Sama de Araujo, reprejenta Primeiru Ministru Kay rala xanana Gusmao, rekoinese katak, komemorasaun 12 Novembru 1991 masakre santa Cruz ba dala 21 iha tinan ne’e, Governu seidauk halo dezenvolvimentu barak ba nasaun no povu ida ne’e. 

Tanba ne’e, La Sama husu ba povu Timor Leste tomak atu kontribui ba paz no estabilidade, atu nune’e dezenvolvimentu bele la’o iha nasaun murak ida ne’e. 

Nia dehan, komemorasaun 12 Novembro ba tinan ida ne’e, Estadu rekoinese iha problema social barak mak seidauk rejolve, maibe tenki esforsa an nafatin atu solusiona tiha problema hirak ne’ebe nasaun no estado hasoru. 

“Ami husu deskulpa karik, to’o ohin loron governu seidauk konsege halo buat barak, maibe ho esperansa boot ita hotu hamutuk it abele rezilve problemas,” esplika vice primeiru Ministru La Sama, liu husi diskursu iha aniversariu bad ala 21 loron Masakre Santa Cruz 12 Novembro 1991-2012, segunda (12/11). 

Iha oportunidade ne’e mos, La Sama apela ba ninia kolega sira, atu agora ba oin labele bolu nia joven tan ona, tanba nia rekoinese nia an katuas ona. Nune’e mos, Vice Primeiru Ministru ne’e rekoinese katak, durante ukun an tinan 10 nia laran, iha buat barak mak seidauk halo hotu, maibe importante mos buka atu koalia nafatin hodi rejolve problema ne’ebe mak povu hasoru. 

 “Ita sira ninia responsablidade, maibe fuan ba prosesu ne’ebe mak ita hotu temi, Maun Mari, Maun Lu-Olo, Maun xanana, maun Horta, ita deseza ba ita nia libertasaun povu, atu liberta povu ida ne’e responsablidade ita nian,” dehan La Sama. .
.

Sem comentários:

Publicar um comentário

Nota: só um membro deste blogue pode publicar um comentário.