quinta-feira, 29 de novembro de 2012

“Lei Bandu Animal Pasiar Iha Sidade”

.

Jornal Timor Post - Kinta-feira, 29 Novembru 2012 

Jestor Administrasaun Distritu Dili husu komunidade tomak ho konsensia atu sulan animal, tanba nia haktuir, dekreitu lei bandu animal husi livre (pasiar) iha sidade laran. 

 “Avisu husi dekreitu lei ne’e fo sai ona katak, komundiade hela iha sidade Dili tenki sulan animal, labele husik livre tama sai iha sidade laran hodi hatudu emajen la diak ba ita nia nasaun,” deklara koordenador Jeral Jestor Distritu Dili, Bonifasio Soares, ba Timor Post iha nia knaar fatin, Mataduru, Dili, Segunda (26/11). 

Bonifacio konfesa, Jestor kapital Distritu Dili iha ekipa operasaun membru nain 60 ne’ebe loro-loron ho dima kasa buka animal ne’ebe husim livre hanesan fahi, bibi ho karau iha sidade Dili, tenki oho mate para labele hafoer sidade Dili. 

Nia hatutan, animal ne’ebe maka ekipa operasaun oho, sei la fo fila ba animal nain, maibe tuir dekretu lei No. 33/2008, artigu 9 katak, animal ne’ebe maka oho mate sei entrega ba parte Hospital, ou ba ema difiesente sira. 

“Ekipa hirak ne’e loron ba loron kontinua halo kasa animal, dala ruma loron ida oho fahi no bibi to’o lima ou ne’en, maibe animal nain labele halo asaun hasoru, tanba ne’e lei mak haruka,” nia esplika. 

Alende ne’e, ekipa operasaun sira mos halo kontrolu ba komunidade ne’ebe mak okupa rai estadu nian la bele halo negosiu fali, kuandu governu presiza halo konstrusaun tenki muda sai. 

Nune’e mos ba vendedor sira ne’ebe mak fa’an okupa iha dalan ninin, parte operasaun tuir lei ne’e sei la tolera, tanba fa’an iha dalan ninin mos hatudu imazen ne’ebe la diak ba nasaun no fo impaktu ba movimentu trafiku. 
.

Sem comentários:

Publicar um comentário

Nota: só um membro deste blogue pode publicar um comentário.