sexta-feira, 23 de novembro de 2012

“Longuinhos Lakohi Ona Dependensia Ba SES”

.

Jornal Independente - Sesta-feira, 23 Novembru 2012 

Problema boot ne’ebe durante ne’e akontese iha instituisaun Polisia Nasional Timor Leste (PNTL), tanba seidauk hetan autorizasaun nu’udar instituisaun Autonoma atu jere nia finanseiru rasik, tanba sei depende ba sekretariu Estadu Seguransa (SES). 

Tanba ne’e, komandante jeral PNTL, Komisariu Longuinhos Monteiro husu ba Komisaun A Parlamentu Nasional katak, PNTL presiza liu autonomia finanseiru, tanba orsamentu ne’ebe konsentra iha governu liu husi SES hamosu birokrasia naruk. 

Ne’e duni, tuir Longuinhos, birokrasia ne’e fo impedementu ba sistema operasaun Polisia hodi kontrol situasaun konflitu iha rai laran no hamosu problema ba dezenvolvimentu fiziku iha instituisaun PNTL rasik. 

“Ami nia ezizensia mak ne’e, responsablidade ne’e bot no atividades ne’e mos boot, maibe orsamentu mos tenki iha para ami bele kobre atividade ne’e tomak,” tenik Longuinhos bainhira hala’o enkontru ho membru Komisaun A PN, iha Kuartel jeral PNTL, kaikoli, Dili (22/11). 

Tuir nia, investimentu ba iha Polisia ne’e importante, tanba atividade ne’e halo, maibe osan iha ka lae, tanba tenke kumpriende mos katak propriedade ba membru importante. 

Nia hatutan, tarefa operasaun Polisia oras ne’e dadaun boot tebes, tanba membru UNpol 1.100 mak efetivu, maibe oras ne’e dadaun responsablidade iha PNTL nia liman hotu, ne’e duni presiza orsamentu ne’ebe akumula ba prosesu ne’e. 

Komisariu ne’e esplika liu tan katak, autonomia finansial ne’e importante tebes iha instituisaun PNTL, tanba kuandu halo planu operasional bele hatene hodi taka planu ba operasional.
.

Sem comentários:

Publicar um comentário

Nota: só um membro deste blogue pode publicar um comentário.