quarta-feira, 21 de novembro de 2012

Mandatu UNMIT Remata, “Guarda APAC Nain 1.000 Ameasadu Lakon Servisu”

.

Jornal Nacional Diario - Kuarta, 21 Novembru 2012 

Kompanha seguransa rai laran, APAC ne’ebe durante ne’e hala’o seguransa ba edifisiu UNMIT no fatin UN sel-sleuk, sei hapara nia trabalador ou guarda nain 100 resin wainhira UNMIT taka nia misaun. 

Diretor Marketing Kompanhia seguransa APAC, Jacinto Baros hateten, servisu seguransa ne’ebe durante ne’e kompania APAC halao kuaze 75% kontratu ho UNMIT no 25% seluk ho kontratu nasional nian. 

Nia esplika, hahu APAC Security Moris, Timor oan ne’ebe servisu ba kompania seguransa ne’e la dun barak, maibe depois hetan kontratu husi UNMIT no malae sira, kompanha ne’e kuaze fo serviso ba Timor oan hamutuk 2.500. 

Nia hatutan, parte APAC sei koalia ho Sekretariu Estadu Politika Formasaun e Profesional (SEPFOPE), oinsa atu haree tok ba asuntu ne’e, tanba bele dehan wainhira mandatu UNMIT nian remata nunero dezempregu iha rai laran bele aumenta ba beibeik.
.

Sem comentários:

Publicar um comentário

Nota: só um membro deste blogue pode publicar um comentário.