sexta-feira, 30 de novembro de 2012

“MAP Konsidera Relatoriu Deloitte Sala”

.

Jornal Independente - Sesta-feira, 30 Novembru 2012 

Vice Ministru Agrikultura Pescas Marcos da Crus hatete, laiha eru ruma mak akontese iha nia Ministeriu hanesan relatoriu auditoriu internasional Deloitte fo sai, tuir deklarasaun Politika FRETILIN nian iha Parlamentu Nasional. 

Marcos mos konsidera, ne’e problema tekniku tanba bainhira deloitte publiku nia relatoriu la konfirma uluk ho MAP. 

 “Relatoriu Deloitte ne’e antes publikasaun ne’e laiha konfirmasaun ho ami, hafoin sira publika tiha, mak sira ba fali, depois ami nia diretor jeral no nia ekipa fo resposta tomak kumpletu, iha relatoriu Deloitte ne’e sira hateten iha dokumentu balun mak la kompletu, tanba ami seidauk fo, ida ne’e mak sira (Deloite) ba fali,” dehan Marcos ba Independente iha Manufahi (28/11). 

Nune’e, Marcos konsidera hanesan faillansu tekniku no agora MAP intrega ona dokumentu hotu ba Deloite. “Ida ne’e failansu tekniku, hanesan sra (Deloite) ba hasoru deit xefe departementu aprovizionamentu, ne’ebe dokumentu sira iha aprovizionamentu iha ligasaun ho projeitu boot sira, ne’e sei halo tenderizasaun iha aprovizionamentu sentral (ministeriu Financas),” dehan Marcos. 

 Vise MAP defende kestaun ne’e, hanesan failansu tekniku deit no laiha iregularidade ba projeitu hirak ne’ebe kestiaona husi opozisaun FRETILIN iha uma fukun Parlamentu Nasional foin lalais.
,

Sem comentários:

Publicar um comentário

Nota: só um membro deste blogue pode publicar um comentário.