quarta-feira, 14 de novembro de 2012

“Monumentu 12 Novembru La Liu Husi Tender”

.

Jornal Timor Post - Kuarta-feira, 14 Novembru 2012 

Ajensia Dezenvolvimentu Nasional (ADN) fo projeitu konstrusaun Monumentu 12 de Novembru iha Motael ba Kompania Sunrise Golden la tuir tenderizasaun tanba projeitu emerjensia. 

 Obra ida ne’e foin maka atinji pirsentu 50 (50%), tanba ne’e maka iha 12 Novembru foin lalais ne’e la konsege inagura. Informasaun ne’e hato’o husi mandor husi kompania Surise Golden ne’ebe lakohi temi ninia identidade ba Timor Post iha Jardim Motael, Tersa (13/11). 

Fonte ne’e haktuir tan katak, iha tempu liu ba, ADN bolu kompania barak hodi koalia ho sira atu halo konstrusaun monumentu, maibe sira kompania la brani, tanba hare durasaun projeitu emerjensia bele tinan ida ou rua mak foin selu, entaun kompania Sunrise Golden maka toma konta. Kona-ba dezenhu husi obra ida ne’e mos ADN maka hatene, obra refere konstrui husi traballador husi Xina, Indonezia no Timor. 
.

Sem comentários:

Publicar um comentário

Nota: só um membro deste blogue pode publicar um comentário.