segunda-feira, 26 de novembro de 2012

“Polisia Laiha Kondisaun Hodi Kontrola Peska Ilegal”

.

Jornal Independente - Segunda, 26 Novembru 2012 

Komunidade sira iha Ponta Leste no Kosta Soul oras ne’e sente preokupa tebes kona-ba atividade peska illegal iha sira nia area. 

Komandante Polisia Unidade maritima, Superitendente Lino Saldanha hateten, Peska Ilegal iha Ponta Leste liuliu iha area Valusere no iha Jaco inklui Kosta Soul sempre iha hela de’it. 

Atu kontrola atividade ne’e, Lino eziji planeamentu kona-ba sistema operasaun iha area hirak ne’e tenki kompostu husi parte tolu hanesan, Hasae Efisiensia, Efetividade, no seguru operasaun. 

Tanba, kuandu hala’o operasaun ne’e labele hasai maka’as ka gastu maka’as nomos tenke garante membru polisia sira nia nesesidade. 

Lino esplika katak, iha problema barak mak polisia maritime hasoru durante tinan barak nia laran kona-ba meu operasaun ne’ebe laiha kondisaun diak. 

Nune’e, nia husu ba komandu Jeral PNTL no governu atu estabelese planu diak hodi bele hakotu korente atividade peskas illegal iha rai laran, tanba kada tinan Timor Leste lakon riku soin barak iha tasi laran ne’ebe to’o ohin loron seidauk esplora.
.

Sem comentários:

Publicar um comentário

Nota: só um membro deste blogue pode publicar um comentário.