sexta-feira, 21 de dezembro de 2012

“Amu Basilio: Ita Tenki Respeita Desizaun Tribunal”

.

Jornal Timor Post - Kinta-feira, 20 Dezembru 2012 

Bispu Dioseze Baucau Don Basilio do Nascimento hateten, ema hotu tenki hakruk ba desizaun Tribunal tanba ema hotu iha lei nia okos. 

“Ita hotu iha lei nia okos, tanba ne’e ita tenki respeita desizaun Tribunal, wainhira Tribunal deside ema ida tama kadeia tanba sala ne’ebe nia halo, ital abele halo intervensaun,” dehan Amu Bispu Basilio relasiona ho desizaun Tribunal hodi hatama eis diretor NGO LABEH ba kadeia. 

Amu Bispo Baucay hateten, iha rai demokratiku, ema ne’ebe akuzadu iha direitu atu defende nia aan liu husi nia advogadu. 

Maibe wainhira advogadu ne’ebe defende nia kliente ne’e, argumenta prova ba tribunal maka haree katak la todan ou la konvense ekipa julgados mak iha ne’e lei hanesan ba ema hotu. 

“Iha lei nia oin laiha ema boot no laiha ema kiik, iha lei nia oin ema hotu hanesan, wainhira ema nia hahalok tuir lei, maka lei sei la book nia, maibe wainhira ninia hahalok kontra lei maka lei sei kesi nia tuir sala ne’ebe nia halo, se’e los tanba dehan buat ne’ebe akuza ne’e loos duni pronto ita ida-idak responsabliza ba ita nia hahalok,” dehan Amu Bispo Baucau ba Jornalista diariu ne’e iha nia knaar fatin, sesta foin lalais. 

Entertantu, wainhira responde ba perguntas jornalista sira nia kona-ba deklarasaun eis diretor ONG LABEH ne’ebe konsidera desizaun Tribunal iha konspirasaun, Amu Bispu baucau hateten, ne’e nia tenki hatudu fali prova katak iha konspirasaun politika ou lae, se lae, nia buka tan ahi hodi sunu nia an. Kona-ba kursu lian ingles ne’ebe eis diretor LABEH ne’e halo iha durante nia dadur iha kadeia, Amu Bispu hateten, ne’e hahalok ida diak.
.

Sem comentários:

Publicar um comentário

Nota: só um membro deste blogue pode publicar um comentário.