quarta-feira, 12 de dezembro de 2012

“Asanami Konsidera Relatoriu Deloite Falsu”

.

Jornal Nacional Diario - Kuarta-feira, 12 Dezembru 2012 

Ministru Agrikultura no Peska (MAP), Mariano Asanami sabino hatete katak, relatoriu Deloitte ne’ebe hatuun MAP iha prestasaun servisu nian, nia konsidera falsu, tanba durante ne’e iregularidade nunka mosu iha MAP. 

 “Dadus ne’ebe maka Deloitte buka ami ih akotuk kedas, ami nunka iha regularidade, ami nunka iha tender ida ne’ebe sira temi iha Deloitte, ne’e dehan la los hotu, ami husu atu levatna sasan sira ne’e ho dignu oituan,” dehan Asanami ba Jornalista sira (11/12) liu husi debate Konta jeral Estadu 2012 iha PN. 

Nia hatutan, odamatan MAP nia nakloke loro-loron ba KAK ho PDHJ no mos Tribunal atu haree, Timor ukun an ona ne’e, boot ka kiik iha hotu lei nia okos. Kona ba tenderizasaun ne’ebe MAP iha, nia dehan, laos deit intrega ba prokurament, maibe ne’e halo administrasaun ba tenderizasaun. 

Asanami mos rekoinese katak, durante ne’e trator sira ne’e lao la dun diak duni, maibe degradasaun lao no mos florestasaun lao, tanba mAP hanesan Ministeriu ne’ebe mak jere povu maubere nia servisu, ne’ebe kada tinan menus husi 3% orsamentu jeral estadu tinan-tinan. 

Nune’e, antes ne’e, Bancada FRETILIN levanta relatoriu Deloitte nian iha PN katak, MAP kontra sistema aprovizionamentu hodi fo projeitu ba malu deit, la tuir tenderizasaun no mos mosu iregularidades barak iha administrasaun MAP nian.
.

Sem comentários:

Publicar um comentário

Nota: só um membro deste blogue pode publicar um comentário.