quarta-feira, 12 de dezembro de 2012

“Babo La Kumpri Notifikasaun Tribunal”

.

Jornal Timor Post - Kuarta-feira, 12 Dezembru 2012 

Ministru Justisa Deonisio Babo la kumpri Notifikasaun husi Tribunal Distritu Dili hodi partisipa audensia julgamentu ba keixa ne’ebe nia kaben aprezenta hodi husu responsablidade alimentus ba nia oan Melvin da Costa Babo Soares ho idade tinan 1. 

Advogadu Paulo Remedios ne’ebe fo asistensia legal ba parte autor (Pengugat-red) hateten, audensia julgamentu kona ba pedidu nia kliente Luisa da Costa husu responsablidade Ministru Justica nian kona-ba alimentus ba nia oan ne’ebe husik hela ba nia inan. 

Nia esplika, Lei kodigu sivil foun Timor-Leste artigu 1758 difini klaru kona-ba pai ho mae nia obrigasaun atu sustenta labarik nia alimentasaun no eskola. 

“Ohin Deonisio Babo la mai Tribunal, no laiha justifikasaun ba Tribunal sobre nia razaun la marka prezensa iha audensia julgamentu, ofisial justica sira informa baa mi katak, parte Tribunal Notifika ona maibe Babo la mai,” nia dehan ba Jornalista sira iha Tribunal Dili, Tersa (11/12). 

Remedios dehan, relasiona ba aujensia Ministru Justica iha Tribunal, maka audensia julgamentu labele realiza, adia fali ba 09 janeiru 2013 tuku 09:00 Otl. Nia haklaken, ema hotu tenki kumpri lei, mezmu nia doutor ka Ministru, entaun, kuandu iha ona tenki assume responsablidade finanseiru ba labarik. 

Antes Babo sai Ministru, Lusia ba hasoru dala barak ona Deonisio babo, maibe to’o agora laiha solusaun, tan ne’e, Remedios informa, nia (lusia) intrega ba Tribunal atu deside tuir lei. 

Iha tinan 2010, Luisa da Costa servisu hanesan trabaladora iha nasaun Inglaterra, iha tinan 2010 nia laran, Ministu Justica haruka nia fila mai Timor Leste hodi forma familia no iha Agusto 2011 nia ona Melvin Moris, hafoin mai fali iha Marsu 2012, Babo husi responsablidade hodi desidi lakohi moris hamutuk ho Melvin ho nia mama. 
.

Sem comentários:

Publicar um comentário

Nota: só um membro deste blogue pode publicar um comentário.