terça-feira, 18 de dezembro de 2012

“Bancada FRETILIN Preokupa Ahi Mate Iha Serimonia Saudozo NKS”

.

Jornal Timor Post - Tersa-feira, 18 Dezembru 2012 

Bancada FRETILIN iha Parlamentu Nasional (PN) lamenta tebes ahi ne’ebe foin dadaun mate wainhira reprejetante familia husi saudozu Komandante Nino Konis Santana hato’o nia agradesementu iha Sede Comite Central FRETILIN (CCF), sesta (14/12). 

Tanba ne’e, Deputadu bancada FRETILIN Eladio Fakulto husu ba Sekretariu Estadu Eletrisidade (SEE) tenki klarifika ba publiku razaun saida ahi ne’e mate. 

Nia hateten, Saudozu Komandante NKS mate tanba sakrifika nia vida tomak hodi liberta ba nasaun ida ne’e, maibe tanba sa iha nia serimonia homenazen ahi mate. 

 “Hau preokupa keta seremonia saudozu NKS halao iha CCF ne’e mak ahi mate ne’e karik, tanba ne’e ami ezizi SEE Januario Pereira tenki klarifika,” dehan Deputadu husi bancada FRETILIN iha Plenaria PN (17/12). 

Lamentasaun hanesan mos hato’o husi Deputada Bancada FRETILIN Angelica da Costa katak, Saudozo NKS servisu to’o mate no ohin loron ita hotu goza independensia, tanba ne’e, nusa mak iha nia serimonia homenazen ikus husi Comite Central FRETILIN ahi bele mate fali. 

“Pesoal hau laran triste tebes, ami ezizi SEE Januario Pereira klarifika loloos, nune’e labele halo familia laran moras,” nia husu. 
.

Sem comentários:

Publicar um comentário

Nota: só um membro deste blogue pode publicar um comentário.