segunda-feira, 17 de dezembro de 2012

“Bendito Rekonese Falla”

.

Jornal Timor Post - Segunda-feira, 17 Dezembru 2012 

Ministru Edukasaun, Bedito Freitas rekonese estudante Timor-oan ne’ebe mak hetan bolsu estudu Majestradu iha Portugal oras ne’e hasoru problema finanseiru tanba sistema administrativu falla. 

“Sim, los duni, ami sei esforsu para lalais rejolve prblemas sira ne’e para ita nia estudante sira iha Portugal bele hetan fali sira nia diretu,” hateten Benditu ba Jornalista sira hafoin partisipa iha serimonia inagurasaun Eskola Primaria Bairu-Pite, Dili, Sesta foin lalais. 

Nia hateten, problema bolsu estudu ne’e tarde tamba estudante balun haruka husi Universidade nasional Timor Leste (UNTL) maibe to’o iha Portugal sira la iha ligasaun diak fila fali ho sira nia academia, tanba ne’e nia parte sei kria mekanizmu diak hodi halo kontrolasaun ba osan Bolsu estudu neebe mak fob a estudante sira. 

Maibe, nia dehan, se estudante sira ne’e la uza osan sira ne’e ba nesesidade eskola nian entaun ita sei hola medidas hapara ninia Bolsu estudu, tanba politika Governu nian presiza konsentra mos ba nesesidade nasaun nian iha area espesifika ne’ebe maka nasaun presiza. 
.

Sem comentários:

Publicar um comentário

Nota: só um membro deste blogue pode publicar um comentário.