quarta-feira, 5 de dezembro de 2012

“CPD-RDTL Dezmente Deklarasaun FM”

.

Jornal Timor Post - Kuarta-feira, 05 Dezembru 2012 

Conselho Popular Demokratika da Defesa Republika Demokratika Timor Leste (CPD-RDTL) desmente deklarasaun Diretor Fundasaun Mahein (FM), Nelson Belo ne’ebe hateten, estadu Timor Leste husik CPD-RDTL kontra lei. 

 “Hau hakarak hateten deit, CPD-RDTL nunka kontra lei maibe ema tenki kompriende kontiudu husi CPD-RDTL nian katak, CPD-RDTL sai nu’udar defeza ba Povu Maubere,” dehan Marcelino Caldas nudar ativista no mos relasaun publiko CPD-RDTL, ba Diario ne’e iha bebora Tersa (04/12). 

Caldas hatutan, CPD-RDTL laos grupo ida maibe, movumentu popular ne’ebe reuni Povu Maubere tomak husi rai ulun to’o rai ikun, hodi mantein 28 de Novembru 1975 no rezolusaun 1514 loron sanulu (X) Dezembru 1960 ne’ebe hateten, kuandu nasaun ida proklama ona nia independensia no bandeira sae ona ema ida sei la bok no labele hatun. 

CPD-RDTL hatais farda tamba nia veteranus no antigo kombatentes ne’ebe dezarmadu husi Aileu, iha loron 1 fevereiru 2000. 

Caldas informa katak, CPD-RDTL atais farda kuandu iha loron istoriku hanesan 11 Setembru, 20 Agusto no 28 Novembru, tanba ne’e, nia husu ba FM atu labele ataka CPD-RDTL liu husi media, maibe tenki buka hatene existensia CPD-RDTL nian. 

 Entertantu, iha publiku diariu Timor Post, edisaun Tersa (04/12), liu ba Fundasaun mahein (FM), konsidera durante tinan 10, Estadu Timor Leste laseriu implementa lei ne’ebe vigora iha nasaun Timor Leste hodi husik grupo CPD-RDTL livre halo movimentu ho farda Militar iha komunidade nia leet.
.

Sem comentários:

Publicar um comentário

Nota: só um membro deste blogue pode publicar um comentário.