quarta-feira, 19 de dezembro de 2012

Estranjeiru Kaben Ho Timor oan: “Laiha Direitu Sai Na’in Ba Rai”

.

Jornal Timor Post - Kuarta-feira, 19 Dezembru 2012 

Ministru Justica Dionisio Babo hateten, ema estranjeiru ne’ebe kaben ho Timor-oan laiha diretu atu sain ain ba rai iha Timor. 

Tuir nia, ema ne’ebe iha direitu nain ba rai so ema Timor, ema estranjeiru ne’ebe diretamente hola rai iha posiblidade atu la hetan rekonesementu tanba lei la fo dalan. 

 “Se ema estranjeiru ne’e seidauk sai sidadaun Timor, nia laiha diretu sain ain ba rai, maibe komu nia feen ka laen ema Timor enatun nia iha diretu ba rai hanesan mos sidadaun seluk,” nia dehan ba Jornalista sira hafoin hasoru malu ho Prezidenti da Republika iha palasiu Prezidensial, Dili, Tersa (18/12). 

Babo mos husu ba Timor oan tomak atu labele fa’an rai arbiru ba ema estranjeiru hodi evita problema foun mosu iha futuru. 

Kestaun justica ne’ebe nia informa ba Prezidenti Republika ne’e importante, tanba ema estranjeiru balun aplika no hakarak sai sidadaun Timor, liu-liu ema estranjeiru balun ne’ebe uluk apoiu TL nia luta ba libertasaun nasional. Entertantu, Prezidenti Republika Taur Matan Ruak informa katak, nia akompania hela prosesu hirak ne’e, no nia husu governu atu identifika didiak hodi hadia buat balun ne’ebe presiza hadia. 

Nia sujere atu aplika mekanizmu balun hodi refosa akizasaun nasionalidade ba ema estranjeirus ho prinsipiu ne’ebe labele viola fali lei Timor Leste nian. 
.

Sem comentários:

Publicar um comentário

Nota: só um membro deste blogue pode publicar um comentário.