quarta-feira, 12 de dezembro de 2012

“Governador Australia Oeste Kontra Floating LNG”

.
Colin Barnett
Jornal Independente - Tersa-feira, 11 Dezembru 2012 

Governador Australia Oeste, Colin Barnett kontra opsaun kompania Woodside nian ne’ebe hakarak explora mina no gas iha Postu Greater Sunrise iha Floating (iha Tasi leten deit). 

Colin Barnett hatete iha Jornal Australia Oeste katak, opsaun floating ne’ebe mak kompania Woodside sujere ne’e obsaun bein nian, tanba sei lori dezafiu ba Governu iha prosesu esplorasaun mina no gas domistika nian. 

Governador ne’e sente la dun kontenti (Sinting) bainhira Australia nu’udar nasaun, maibe la hola parte iha esplorasaun rikeza nasaun ne’e nian. Tanba ne’e, Colin Barnett sujere ba kompania no Governu rua (Timor Leste ho Australia) tenki buka solusaun ida ne’ebe mak fo benefisiu ba parte hotu. 

Tuir Coling Barentt, opsaun Floating LNG fo ameasa ba seguransa no perigu ba ambiente, ho ida ne’e, Colin Barnett apoio politik Timor Leste nian tanba, opsaun Floanting LNG foin maka atu koko iha Greater Sunrise. 

Komersialmente opsaun Floating LNG sai mos duvida ba BHP Billiton nu’udar kompania Australia ne’ebe hola parte mos iha Joint Venture ba projeitu Browse. 

Xefe ezekutivu kompania BHP Marius Kloppers lakohi fo nia komentariu ba opsaun Floating LNG razaun katak, nia lakohi fo komentariu ba teknologia ne’ebe ema seluk seidauk uza. 

Tuir kontratu negosiasaun Greater Sunrise sei remata iha tinan 2013 no sei halo akordu foun hodi deside destinu kadoras mina no gas ne’e ba Asitralia, Timor-Leste ka Floating LNG (iha tasi leten). 

Entertantu, oras ne’e dadaun iha estudu ba dalan neebe mak atu dada kadoras greater sunrise mai TL ho kalklu 230 kilo metru. 
.

Sem comentários:

Publicar um comentário

Nota: só um membro deste blogue pode publicar um comentário.