segunda-feira, 17 de dezembro de 2012

“Governu Failla Ezekusaun 1 Milloens Ba Konstrusaun Doka”

.

Jornal Timor Post - Segunda-feira, 17 Dezembru 2012 

Governu faila ezekuta orsamentu 1 milloens ne’ebe propoi iha 2012 hodi halo konstrusaun ba doka (fatin atraka ba manutensaun Ro), no mos halo manutensaun ba ro ne’ebe Governu sosa ba Instituisaun F-FDTL. 

Sekretariu Estadu Defeza (SED), Julio Thomas Pinto rekonese iha 2012, Governu propoin ona orsamentu kuaze 1 Milloens hodi halo konstrusaun ba doka no halo manutensaun bar o maibe, to’o tinan ne’e besik remata, sira labele realiza.

 “Iha tinan ida ne’e, ami tau orsamentu kuaze 1 milloens ba manutensaun ro, maibe to’o agora doka (ro para fatin) laiha, ami kontaktu tun sae mos doka laiha,” dehan Julio Thomas ba Diario ne’e, iha Kuartel Jeneral F-FDTL, Fatuhada, Dili, Sexta (14/12). 

Oras ne’e dadaun, ro husi komponente Naval F-FDTL ne’ebe Governu sosa husi China ho duasaun husi Governu Portugal no Korea la bele ona halo operasaun tanba kondisaun aat no laiha manutensaun durante ne’e. 

 Relasiona ho kondisaun ro hirak ne’e, iha 2013, Governu liu husi SED, propoin tan orsamentu 800 mil hodi aumenta ba manutensaun ro, maske iha 2012 ho orsamentu kuaze 1 milloens Governu lakonsege ezekuta. 

 “Kuandu, ita haruka ekipamentu military ba hadia iha nasaun sira seluk, sira iha interese diretamente ho ita, ne’e ita sei iha problema tanba, ne’e mak koordenasaun ho Ministeriu Obras Publika sei lao hela no ita espera sira tenki tau perioridade ba doka refere,” dehan Julio Thomas.

 Manutensaun bar o sai hanesan preokupasaun ba Ministeriu Defeza, liu-liu Sekretariu Estadu ho F-FDTL, no husu ba Ministeriu relevante atu iha kordenasaun para halo konstrusaun lalais ho Dokaa. Iha tinan 5 mai ne’e ita la bele repete fila fali buat ne’ebe airu ona iha tinan kotuk nian,” dehan Julio Thomas. 
.

Sem comentários:

Publicar um comentário

Nota: só um membro deste blogue pode publicar um comentário.