sexta-feira, 28 de dezembro de 2012

“Hornai Sadik Xanana”

.

Jornal Timor Post - Sesta-Feira, 28 Dezembru 2012 

Prezidenti Komisaun F iha Uma Fukun Parlamentu Nasional, Virgilho da Costa Hornai Husi bancada Partidu demokratiku (PD) sadik Ministru Defeza no Seguransa, Xanana Gusmao, atu hasai duni komandante balun iha instituisaun PNTL ne’ebe haliha kapasidade. 

Hornai apoiu inisiativa Primeiru Ministru hanesan mos Ministru defeza no Seguransa, atu hasai komandante balun iha instituisaun PNTL, hodi nune’e, Hornai dehan, bele hadia diak liu tan instituisaun importante ne’e iha futuru. 

“Komandate PNTL balun halo servisu laloos iha komando PNTL, tanba ne’e mak nia (Xanana) rasik halo inisiativa atu hasai, ida ne’e agora tenki halo duni, ne’e hanesan meus ida atu motiviva komandante sira par abele halo servisu diak liu tan ho displina,” hateten deputadu Hornai ba Timor Post iha Uma Fukun PN. 

“Durante ne’e ita so hakilar malu deit, maibe laiha medidas administrative no disiplinar ne’ebe atu aplika, tanba ne’e mak agora ita hotu tenki apoiu malu katak, se mak sala tenki kumpri duni nia sala,” hatutan Hornai. 

Hornai akresenta, ema matenek nain balun hateten, frasilidade estadu, tuir nia laos nasaun ne’e atu monu ba krizi, maibe frazilidade stadu ne’e katak, instituisaun estadu barak seidauk forte, tanba ne’e, nia dehan agora tenki buka hadia an.
.

Sem comentários:

Publicar um comentário

Nota: só um membro deste blogue pode publicar um comentário.